ل دهۆكێ ئەرد بۆ (20) کارگەهێن نوو هاتە تەرخانکرن

پارێزگه‌ها دهۆكێ ڕاگه‌هاند، دکۆمبوونا لژنا گەشەپێدانا و پشته‌ڤانیكرنا پرۆژه‌یێن پیشەسازیدا، بڕیار ل سەر تەرخانکرنا ئەردی بۆ (20) کارگەهان هاتەدان و دێ ئەڤ کارگەهە دپاشەڕۆژێدا دا دەلیڤەیا کاری بۆ (600) کەسان پەیداکەن.

پارێزگه‌هێ ئاشكراكر، کۆمبوون کو ل ژێر سەرپەرشتییا پارێزگارێ دهۆکێ د.عەلی تەتەر و ب بەرهەڤبوونا لایەنێن پەیوەندیدار ژ وان ژی ڕێڤەبەرییا گشتییا وەبەرهێنانێ کو ڕێڤەبەرێ گشتی (دکتۆر هەڤال صدیق اسماعیل) و چەند ڕێڤەبەریێن دی هاته‌كرن، ب بەرفرەهی دانوستاندن ل دۆر چەندین پرۆژەیێن نوو هاتنەکرن کو به‌هرا پتر یا وان کارگەهـ بوون و تێدا دووپاتی ل بەرنامێ حکومەتا هەرێما کوردستانێ بۆ زێدەکرنا بەرهەمێ ناڤخۆیی ب کوالێتییەکا باش هاتە کرن.

پشتی هەلسەنگاندن و وەرگرتنا بۆچوونێن رێڤەبەرییێن پەیوەندیدار بڕیارا تەرخانکرنا ئەردێ پێتڤی بۆ (20) کارگەهان دبیاڤێن (بەرهەمئینانا نایلونی، دووبارە بەرهەمئینانا زەیتێ، دارتاشییێ، بۆرییێن ئاسنی، پەمبییێ نۆشدارى، مۆبیلیاتێن پلاستیکی، بەرهەمئینانا قێرێ شل، دروستکرنا تانکێن پلاستیکی، بەرهەمئینانا کەرەستێن ئاڤاهییان و سیرامیکی، هەروەسان بەرهەمئینانا کاربۆناتێن کالسیومی، گێچێ، کلینسان) هاتە دان و دەلیڤێن کاری دێ بۆ پتر ژ (600) کەسان هێنە پەیداکرن.