پات رایدەر، سکرتێرێ ڕۆژنامەڤانییێ وەزارەتا بەرەڤانییا ئەمریکا (پێنتاگۆن) ڕاگەهاند، لوید ئۆستن، وەزیرێ بەرەڤانییا ئەمریکا د پەیوەندییەکا تەلەفۆنیدا دگەل محەمەد شیاع سوودانی، سەرۆکوەزیرێن عیراقێ بەحس ل پابەندبوونا حکومەتا عیراقێ کر بۆ پاراستنا کارمەندێن دیپلۆماسی و شیرەتكارێن هەڤپەیمان و سازییان.
هەروەسا دیاركر، وەزیرێ بەرەڤانییا ئەمریکا ئەو هێرشا دوهی یا سەر بالیۆزخانەیا ئەمریکا ل بەغدا شەرمزاركر و پێشوازی ل هەلویستێ سوودانی کر کو ئەو هێرش ب كریارەكا تیرۆرستی وەسفكری، كو ئاسایشا ناڤخۆ یا عیراقێ دئێخیتە د مەترسییێدا.
وەزیرێ بەرەڤانییا ئەمریکا دووپات ل هندێ كر، کو مافێ مەیە بەرەڤانییێ ژ خۆ بكەین بەرامبەر ئەوان كەسێن هێرشێ ل دژی كارمەندێن ئەمریكا ئەنجامدەن، گرۆپێن چەكداریێن سەر ب ئیرانێ ڤە، کەتائیب حزبوللا و نوجەبا، هەردووك بەرپرسن ژ پتریا ئەوان هێرشێن دژی کارمەندێن هەڤپەیمانان، و مافێ ئەمریكایە بەرسڤەكا ئێكلاكەر ل دژی ئەڤان گرۆپان بدەت.
