پشتیوان سادق: حكومه‌تا عیراقێ ڕوژ بۆ ڕۆژێ پتر ئاسته‌نگان بۆ هنارتنا شایسته‌یێن دارایى دروستدكه‌ت

وه‌زیرێ ئه‌وقاف و كاروبارێن ئایینییێ حكومه‌تا هه‌رێما كوردستانێ ڕاگه‌هاند، حكومه‌تا فیدرالى مه‌رجه‌كێ دى دانایه‌ كو ئاسته‌نگ بۆ هنارتنا مووچه‌یێ مووچه‌خۆرێن هه‌رێما كوردستانێ دروستكرییه‌.

پشتیوان سادق وه‌زیرێ ئه‌وقاف و كاروبارێن ئایینى د داخویانییێن ڕۆژنامه‌ڤانیدا دیاركر، حكومه‌تا عیراقێ ب شاندێ هه‌رێمێ گوتییه‌، ئه‌گه‌ر ئه‌و مووچه‌ى ب هنێرن ژى دشێن مووچه‌یێ 60%ێ یا فه‌رمانبه‌ران ب هنێرن، پێدڤییه‌ هه‌رێما كوردستانێ مووچه‌یێ 40%ێ یا ماى ژ داهاتێ ناڤخۆ بده‌ت.

ئاماژه‌ ب هندێ ژى دا، مه‌رجێ دییێ به‌غدا ئه‌وه‌، دڤێت هه‌رێما كوردستانێ تماما داهاتێ ناڤخۆ ڕاده‌ست بكه‌ت.

وه‌زیرێ ئه‌وقافێ دووپاتكر، ل زووترین ده‌م شاندێ هه‌رێمێ دێ سه‌ره‌دانا به‌غدا كه‌ت.