سەرۆك مەسعود بارزانی ب هەلكەفتا 71ێ سالیا دامەزراندنا ئێكەتییا ئافرەتێن كوردستانێ پەیامەك بەلاڤكر.
پەیاما سەرۆك مەسعود بارزانی؛
ب ناڤێ خودێ مەزن و دلوڤان
به‌رێزان سكرتێر و ئه‌ندامێن مه‌كته‌با سكرتاریه‌تێ یا ئێکەتییا ئافره‌تێن كوردستانێ، ب هەلکەفتا 71 سالییا دامه‌زراندنا ئێکەتییا ئافره‌تێن کوردستانێ، پیرۆزباهییا گه‌رم ئاراسته‌ی هەوە و هه‌می ئه‌ندامێن ڕێکخراوێن تێکۆشه‌ر و هەمی ئافرەتێن کوردستانێ د‌که‌م.
ئێکەتییا ئافره‌تێن کوردستانێ، ئەزموونەکا دەولەمەند و بێ وێنە هەبوویە د دەستپێكا پشکداری و پێگەهاندنا ئافرەتێن كوردستانێ د ژیانا سیاسیدا و ڕۆل د خەباتا گەلێ مە ژی دا هەبوو و هەروەسا ناساندن و بەرگریكرنا مافێن ئافرەتان بەرچاڤ و دیارە.
هەردەم چاڤەڕێینە كو ئێكەتییا ئافرەتێن كوردستانێ ژێدەرێ هۆشیارییا نەتەوەیی و نیشتیمانی و پیشەیی بن بۆ هەمی ئافرەتێن كوردستانێ و كار بۆ پاراستنا مافێن ئافرەتان دناڤ خێزان و جهێن كاری و گۆڕەپانێن سیاسەت و جڤاكیدا بكەن.
مەسعود بارزانی
11-12- 2023
