ئێدى نابیت یاریكه‌رێن بارسێلۆنا سه‌رێن خوه‌ بشوون

هه‌رێما كه‌ته‌لۆنیا بۆ ماوێ چه‌ند هه‌یڤانه‌ تووشى قه‌یرانا كێم ئاڤییێ بوویه‌، ژ ئه‌گه‌رێ ڤێ چه‌ند، دادگه‌ها بلندا كه‌ته‌لۆنیا چه‌ند بریار بۆ ڕووبڕووبوونا قه‌یرانا ئاڤێ ده‌ركرن، ئێك ژ وان بریاران ژ یانه‌یا بارسیلۆنا دگریت.

ڕؤژنامه‌یا  موندۆ دیپۆرتیڤۆ یا ئسپانی ئاشكراكر، حكومه‌تا كه‌ته‌لۆنیا نه‌چاربوویه‌ چه‌ند بریاران بۆ پاراستنا ئاڤێ ده‌ربكه‌ت، ئێك ژ وان بریاران ئه‌وه‌، ئێدى نابیت یاریكه‌ر ل یاریگه‌هـ و هۆلێن سپۆرێ سه‌رێن خوه‌ بشوون.

ب ڤێ بریارێ ئێدى نابیت یاریكه‌رین بارسێلۆنا پشتى ڕاهێنانان و یارییان ل یاریگه‌هێ سه‌رێن خوه‌ بشوون، دڤێت ڤه‌گه‌رنه‌ مالێن خوه‌ سه‌رێن خوه‌ بشوون.