ته‌حسین خه‌فاجى: حكومه‌تا هه‌رێما كوردستانێ هه‌ماهه‌نگییه‌كا باش بۆ پاراستنا هه‌لبژارتنان كر

سه‌رۆكێ شاندێ ئه‌منییێ ڕاگه‌هاندنا هه‌لبژارتنان ئاماژه‌ ب ڕۆلێ هێزێن ئه‌منییێن حكومه‌تا هه‌رێما كوردستانێ بۆ پاراستنا باش ب ڕێڤه‌چوونا پرۆسه‌یا هه‌لبژارتنێن جڤاتێن پارێزگه‌هان دا.

لیوا ته‌حسین خه‌فاجى سه‌رۆكێ شاندێ ئه‌منییێ ڕاگه‌هاندنا هه‌لبژارتنێن تایبه‌ت ڕاگه‌هاند، پلانا وان یا ئێكێ پاراستن و چاڤدێریكرنا پرۆسه‌یا هه‌لبژارتنان ژ ده‌مژمێر حه‌فتى سپێدێ هه‌تا شه‌شى مه‌غره‌ب بوو، پلانا وان یا دووێ ل ده‌مژمێر بۆ ڤه‌گۆهاستنا ئامیره‌یان ده‌ستپێكر، كو ئه‌ڤ چه‌نده‌ دێ ب هه‌ماهه‌نگییه‌كا بلند ب رێیێن ئاسمانى و ئه‌ردى بیت.

ئاشكرا ژى كر، چ پێشلكارییێن وه‌سا نه‌هاتنه‌ تۆماركرن كو بگه‌هنه‌ ئاستێ پێشلكارییێن دیار، به‌لكو پرۆسه‌ ب ئاساییى ب ڕێڤه‌چوو.

گوت ژى : هێزێن پێشمه‌رگه‌ى ڕۆله‌كێ مه‌زن و ئه‌رێنى بۆ پاراستنا بنگه‌هێن تایبه‌ت ب ئاواره‌یان هه‌بوو، هه‌ماهه‌نگییه‌كا مه‌زن ژى بۆ پاراستنا پرۆسه‌یێ هه‌بوو.

هه‌ڤده‌م سوپاسییا ڕێبه‌ر ئه‌حمه‌د وه‌زیرێ ناڤخۆ یێ هه‌رێما كوردستانێ كر بۆ ئاسانكارییێن وى د پرۆسه‌یێدا، ئه‌ڤه‌ژى‌ ده‌رئه‌نجامێ وێ هه‌ماهه‌نگییێیه‌ یا دناڤبه‌را ده‌زگه‌هێن ئه‌منییێن حكومه‌تا هه‌رێما كوردستانێ و حكومه‌تا فیدرالدا هه‌ى.