نێچیرڤان بارزانى سه‌رۆكێ هه‌رێما كوردستانێ دكۆمبوونه‌كێدا دگه‌ل جینین پلاسخارت نوونه‌را تایبه‌ت یا سكرتێرێ گشتییێ نه‌ته‌وه‌یێن ئێكگرتى ل عیراقێ، ره‌وشا سیاسى و ئه‌منى و هه‌لبژارتنێن جڤاتێن پارێزگه‌هێن عیراقێ و په‌یوه‌ندییێن هه‌ولێر و به‌غدا گوتوبێژكرن.
هه‌ردوو لایه‌ن ل سه‌ر گرنگییا سه‌ركه‌ڤتنا پرۆسه‌یا ده‌نگدانێ د هه‌لبژارتنێن جڤاتێن پارێزگه‌هێن عیراقێدا د كۆكبوون، هه‌روه‌سا دووپاتى ل گرنگییا پاراستنا ئاسایشا پرسه‌یێ بۆ په‌یداكرنا سه‌قایه‌كێ ئارام ب تایبه‌تى ل ده‌ڤه‌رێن مادده‌یێ 140 كر.
ده‌رباره‌ى په‌یوه‌ندییێن هه‌ولێر و به‌غدا، هه‌ردوو لایه‌نان ب ئه‌رینى بزاڤ و رۆلێ محه‌مه‌د شیاع سوودانى سه‌رۆكوه‌زیرێن عیراقێ هه‌لسه‌نگاند و هیڤى خواستن، ل قووناغا بهێت گرنگییه‌كا زێده‌تر ب په‌یوه‌ندییێن حكومه‌تا فیدرال و حكومه‌تا هه‌رێما كوردستانێ بهێته دان، ب لێكتێگه‌هشتنێ و ل سه‌ر بنه‌مایێ ده‌ستوورى ئاریشه‌یێن دناڤبه‌را واندا بهێنه چاره‌سه‌ركرن.
