مه‌سرور بارزانى سه‌ره‌خۆشى ل گه‌لێ كوێتێ كر

سه‌رۆكوه‌زیرێن هه‌رێما كوردستانێ مه‌سرور بارزانى ل سه‌ر ئه‌كاونتێ خوه‌ یێ ئێكس ( تویته‌رێ پێشتر ) به‌هینامه‌یه‌ك بۆ وه‌غه‌ركرنا میرێ كوێتێ به‌لاڤكر و تێدا هاتییه‌، ب دلگرانییه‌كا مه‌زنڤه‌ نووچه‌یێ وه‌غه‌ركرنا جه‌نابێ شێخ نه‌واف ئه‌حمه‌د جابر ئه‌لسه‌باح میرێ كوێتێ گه‌هشته‌ وان.

مه‌سرور بارزانى دپه‌یاما خوه‌دا دیاركر، ئه‌و سه‌ره‌خۆشییێن خوه‌ یێن كوور ئاراسته‌یى بنه‌مالا ئه‌لسه‌باح و گه‌لێ كوێتی دكه‌ن، ژ خۆدایێ مه‌زن دخوازن، وه‌غه‌ركرى ب به‌هه‌شتێ شاد بكه‌ت، سه‌بر و بێهن فره‌هییێ ب هه‌موو لایه‌كى بده‌ت.

میرێ كوێتێ شێخ نه‌واف ئه‌حمه‌د جابر ئه‌لسه‌باح ل 25ى خزیرانا سالا 1937ێ ژ دایكببوو، ل 29ى ئه‌یلوولا 2020ێ ده‌ستبكارببوو، كورێ شه‌شێ یێ شێخ ئه‌حمه‌د جابر ئه‌لسه‌باح حاكمێ پێشتر یێ كوێتێ بوو، ژ ئه‌گه‌رێ نه‌خۆشییه‌كێ دژییێ 86 سالییێدا وه‌غه‌ركر.