<h3 style="text-align: justify;"><span style="font-size: 18pt;">سه‌رۆكێ هه‌رێما كوردستانێ ئه‌ڤرۆ دڕۆژا ئالایدا گوت: ئالایێ مه هێمایێ هیڤییا مه یا هه‌ڤپشكه، هیمایێ ڕووبڕووبوونا ئاسته‌نگان و سه‌ركه‌ڤتنا مه‌یه ب سه‌ر ئاسته‌نگاندا، هێمایێ سوزنامه‌یا مه‌یه بۆ ب ده‌ستخستنا پاشه‌ڕۆژه‌كا ڕوونتر بۆ هه‌موویان.</span></h3> <h3 style="text-align: justify;"><span style="font-size: 18pt;">ل سپێده‌هییا ئه‌ڤرۆ 17-12-2023ێ دڕۆژا ئالایێ كوردستانێدا ل سه‌رۆكایه‌تییا هه‌رێما كوردستانێ ب پشكدارییا نێچیرڤان بارزانى سه‌رۆكێ هه‌رێما كوردستانێ ڕێوره‌سمێن بلندكرنا ئالایێ كوردستانێ هاتنه گێران.</span></h3> <h3 style="text-align: justify;"><span style="font-size: 18pt;">د ڕێوره‌سمیدا نێچیرڤان بارزانى سه‌رۆكێ هه‌رێما كوردستانێ گوتاره‌ك پێشكێشكر، به‌حس ل گرنگییا ئالایێ كوردستانێ بۆ كورد و پێكهاته‌یێن كوردستانێ كر و گوت : ئه‌ڤ ئالایه دگه‌ل هندێ كو ئاماژه‌یه بۆ ئێك نیشتیمانى، ئێك ب ئێك دلێن ڤى نیشتیمانى ژى ل كیڤه‌بن ب كوردى و ب هه‌موو پێكهاته‌یێن دى پێكڤه گرێدده‌ت، له‌وما بلا ب بلندكرنا ئالای د ئه‌ڤرۆدا، ئه‌و په‌یمانه‌ژى د ده‌روونێ مه‌دا نوو ببت كو دوو به‌ره‌كییێ ده‌ربازبكه‌ین، ڕێزێ ل جۆداهییێن خوه بگرین و پێكڤه نه‌ته‌وه‌ی ئاڤا بكه‌ین.</span></h3>
