هه‌تا نوكه‌ 83 هزار و 606 پلێتێن گازا سپی ل سه‌نته‌رێ باژێرێ دهۆكێ هاتینه‌ به‌لاڤكرن

ئاژانسا خانی:

ملله‌ت زكرى، سه‌رپه‌رشتێ به‌لاڤكرنا گازا سپی ل قه‌زا دهۆکێ دیار كر، ئه‌ڤرۆ دوشه‌مبی” پلێتێن گازا سپی یێن بنگه‌هێ 231 هاتینه‌ به‌لاڤكرن و ئه‌و خێزانێن پلێت وه‌رگرتین دشێن گازا خۆ ل گۆرەپانەکا نێزیک مزگه‌فتا حه‌جى ئه‌حمه‌دى وه‌ربگرن.

ناڤهاتی زێده‌تر بۆ ئاژانسا خانی گۆت: گه‌را دووماهییێ یا پلێتێن گازا سپی ل سەنتەرێ باژێرێ دهۆکێ ل سەر بریکارێن بنگەهێ 231 یێن ئاهێن خوارنێ هاتنە بەلاڤکرن و نوكه‌ هەموو خێزانێن ل سەنتەرێ باژێرێ دهۆکێ پلێتێن گازا سپی وەرگرتینه‌.

ملله‌ت هێشتا دبێژیت: هه‌تا نوكه‌ 83 هزار و 606 پلێتێن گازا سپی ل سه‌نته‌رێ باژێرێ دهۆكێ هاتینه‌ به‌لاڤكرن” هه‌روه‌سا پرۆسا به‌لاڤكرنا پلێتان ل سه‌نته‌رێ باژێرێ دهۆكێ ب دووماهی هاتییه‌” د هه‌مان ده‌مدا” هه‌تا نوكه‌ نێزیكی 48 هزار خێزانان گازا سپی ل سه‌نته‌رێ باژێرێ دهۆكێ وه‌رگرتییه‌ و ئه‌و خێزانێن ماین ژی هه‌تا به‌ری سه‌رێ سالا نوو” دێ گازا خۆ وه‌رگرن