شیلان نهێلى ڕێڤهبهرا ئۆفیسا دهۆك یا دهزگههێ گشتییێ كاروبارێن مینان بۆ ئاژانسا خانى دیاركر، جڤاتا وهزیرێن ههرێما كوردستانێ ڕهزامهندى ل سهر نووكرنا ههڤبهستێن ئهوان فهرمانبهران بۆ سالا 2024ێدا، یێن ب شێوهیێ ههڤبهست دگهل دهزگههێ كاروبارێن مینان كاردكهن و ههڤبهستێن نێزیكى 150 فهرمانبهرێن ئۆفیسا وان هاتنه نووكر، گوت ژى: جڤاتا وهزیران رهزامهندى ل سهر دابینكرنا 48 ترۆمبێلان بۆ دهزگههێ گشتی دایه، چهند ڕێكار ماینه كو ب دووماهى بهێن و ترۆمبێل دێ ل دووڤ پێدڤییاتییان ل سهر ئۆفیسان هێنه بهلاڤكرن.
شیلان نهێلى ئاماژه ب هاریكارییا پارێزگهها دهۆكێ و د. عهلى تهتهر پارێزگارێ دهۆكێ دا و دیاركر، ب سوپاسیڤه پارێزگارێ دهۆكێ دوو ترۆمبێل بۆ ئوفیسا وان ب كرێ گرتینه داكو كارێن خوه پێ ب ڕێڤهببهن، مهزاختییێن وان ترۆمبێلان ژى ههموو ل سهر پارێزگهها دهۆكێنه.
سهبارهت كارێ ڕۆژانه ژى، ڕێڤهبهرا ئوفیسا دهۆكێ ئاشكراكر، دنوكهدا ئهو ل مانگێشكێ، زاویته، قهدشێ و زاخۆ كاردكهن، كارێ وان ل زاویته یێ بهردهوامه، ل زاخۆ ژى ههتا ڕادهیهكێ باش تمامبوویه، نوكه ئهو د بێهنڤهدانێدانه و پشتى سهرێ سالێ دێ دهست ب كارێ خوه كهنهڤه.
