د. هه‌ڤال سه‌دیق: ئه‌م گرنگییێ ب وان پرۆژان دده‌ین یێن كو ده‌لیڤێن كاری بۆ وه‌لاتییێن پارێزگه‌ها دهۆكێ په‌یدا دكه‌ن

ئاژانسا خانی:

د. هەڤال سه‌دیق، رێڤەبەرێ گشتییێ وەبەرهێنانێ ل پارێزگه‌ها دهۆکێ دیار كر: کابینا نه‌هێ یا حکومەتا هەرێما کوردستانێ ب رێیا وەبەرهێنانێ گرنگییەکا تایبەت دایە کەرتێ تایبەت ب مه‌ره‌ما هندێ ژێرخانا ئابوورییا هەرێما کوردستانێ بهێزتر لێ بكه‌ت” ل پارێزگه‌ها دهۆکێ ژی چه‌ندین پڕۆژێن وەبەرهێنانێ ئه‌نجامداینه‌” هه‌روه‌سا دێ گرنگییا پتر دەینه‌ ئەوان پڕۆژێن وەبەرهێنانێ کو دەلیڤێن کاری بۆ گەنج و وه‌لاتییێن سنوورێ پارێزگه‌ها دهۆکێ په‌یدا دكه‌ن.

 ناڤهاتی” زێده‌تر بۆ ئاژانسا خانی گۆت: ل سەر راسپاردا مەسرور بارزانی، سەرۆکێ حکومەتا هەرێما کوردستانێ، هەموو ئاسانکاری بۆ وەبەرهێنەرێن ناڤخۆیی و بیانی هاتییه‌ کرن داكو پڕۆژێن وەبەرهێنانێ د کەرتێن جۆدا دا ل سنوورێن پارێزگه‌ها دهۆکێ ئەنجام بدەن” گۆت ژی” ل ده‌مێ بوری وان مۆله‌ت دایه‌ “پڕۆژەكێ گرنگ یێ وەبەرهێنانێ” کو پیكهاتییه‌ ژ بخودانكرنا چێلان و بەرهەمئینانا شیری؛ “ئەم پڕۆژە ب ستانداردێ نێڤدەوله‌تی هاتییه‌ دروستکرن، ئێکە ژ وان پڕۆژێن گرنگ ل رۆژهەلاتا ناڤین و دێ ده‌لیڤێن كاری بۆ پتری هزار کەسان په‌یداكه‌ت “گرنگییا وی پڕۆژەیی ئه‌وه‌ ئه‌م دشێین پشت به‌ستنێ ل سه‌ر بەرهەمێن ناڤخۆیی بكه‌ین.