ل دهۆکێ کارکرن ل سه‌ر به‌رفره‌هكرنا سیسته‌مێ کارەبا پریپەید هاته‌ راگرتن

ئاژانسا خانی” زنار تۆڤی:

کارکرن ل سه‌ر به‌رفره‌هكرنا سیسته‌مێ کارەبا نیشتمانیی پریپەید ل سنوورێ پارێزگه‌ها دهۆکێ ژ ئه‌گه‌رێ  کێشەكا تەکنیکی هاته‌ راگرتن، ماجد سه‌ید سالح” جێگرێ پارێزگارێ دهۆكێ دیاركر: ئەو تاخێن ئه‌و سیسته‌مه‌ تێدا کەفتییە کار دێ وەکو خۆ کارکەن و بەردەوام بن، نوكه‌ ب تنێ به‌رفره‌هكرنا وی سیسته‌می ل پارێزگه‌ها دهۆكێ هاتییه‌ راگرتن.

ناڤهاتی زێده‌تر بۆ ئاژانسا خانی دیار كر، پشتی ل چەند رۆژێن بوری ل وان تاخێن سیسته‌مێ پریپەید تێدا هاتییه‌ جهگیرکرن، کێشە بۆ پشكه‌كا وه‌لاتییان دروست ببوو، ئەڤرۆ ب ئامادەبوونا نوونەرێ وەزارەتا کارەبێ و ب بڕیارا پارێزگارێ دهۆکێ به‌ر‌فره‌هكرنا وی سیسته‌می ل سنوورێ پارێزگه‌ها دهۆكێ هاته‌ راگرتن” كو به‌ری نوكه‌ سیسته‌مێ پریپد یێ كاره‌بێ ل هه‌رێمێ هاتییه‌ بجهئینان و ل ده‌ستپێكێ ل كۆمه‌لگه‌هێن ئاكنجیبونێ هاتبوو په‌یره‌وكرن” پاشی حكومه‌تێ ڤییا وی سیسته‌می ڤه‌گۆهێزنه‌ ناڤ تاخێن دهۆكێ دا” به‌لێ هنده‌ك ئاریشه‌ چێبوون و ئه‌ڤرۆ شانده‌كێ وه‌زاره‌تا كاره‌بێ هاتییه‌ دهۆكێ و رێڤه‌به‌رێ كاره‌با دهۆكێ ژی سه‌ره‌دانا دیوانا پارێزگه‌ها دهۆكێ كر و كو ل سه‌ر داخوازا پارێزگارێ دهۆكێ كارێ به‌رفره‌هكرنا وی سیسته‌می هاتییه‌ راگرتن” پشتی مه‌ تێبینی داینه‌ شاندێ وه‌زاره‌تا كاره‌بێ بۆ وان دیاربوو” كو وه‌كو پێدڤی كار بۆ ڤی سیسته‌می نه‌هاتییه‌ كرن” له‌وما به‌رفره‌هكرنا وی سیسته‌می هاته‌ راگرتن.