سەرۆکێ حکومەتا هەرێما کوردستانێ د کۆمبوونا ل گه‌ل نوونەرا تایبەتا سکرتێرێ گشتییێ نەتەوێن ئێکگرتی بۆ کاروبارێن زارۆیان و ململانا چەکداری ئامادەیا تەمام بۆ هاریکاری و هەماهەنگیکرن و ئەنجامدانا پڕۆژێن هه‌ڤپشك ل گەڵ نەتەوێن ئێکگرتی تایبەت ب پاراستنا مافێن زارۆیان دەربڕی.
ئه‌ڤرۆ پێنجشەمبی (11 ی کانوونا دووێ 2024) ێ” مەسرور بارزانى، سه‌رۆكێ حکومەتا هه‌رێما كوردستانێ، پێشوازى ل ڤیرجینیا گامبا، نوونەرا تایبەتا سکرتێرێ گشتییێ نەتەوێن ئێکگرتی بۆ کاروبارێن زارۆیان و ململانا چەکداری کر.
د وێ کۆمبوونێ دا نوونەرا تایبەتا سکرتێرێ گشتییێ نەتەوێن ئێکگرتی، کورتییه‌ك ده‌ربارەیی کار و چالاکییان و ئارمانجا سەره‌دانا خۆ بۆ عێراقێ و هەرێما کوردستانێ به‌رچاڤكر و ستایشا بزاڤ و رێکار و پلانێن حکومەتا هەرێما کوردستانێ کر د بیاڤێن پاراستنا مافێن زارۆیان.
مەسرور بارزانی ئامادەیا تەمام یا حکومەتا هەرێما کوردستانێ بۆ هاریکاری و هەماهەنگیکرن و ئەنجامدانا پڕۆژێن هه‌ڤپشك ل گه‌ل نه‌ته‌وێن ئێکگرتی ب تایبەت بۆ پاراستنا مافێن زارۆیان دەربڕی.
