ئاژانسا خانی:
سه‌رۆكێ ده‌سته‌یا وه‌به‌رهێنانێ ل هه‌رێما كوردستانێ ئاشكرا كر: ژ پێخه‌مه‌ت دروستكرنا په‌یوه‌ندییان د بیاڤێ وه‌به‌رهێنانێ دا، بڕیارە چه‌ندین كۆمپانییێن جیهانی سەره‌دانا هەرێما كوردستانێ بكەن” ل كۆربه‌ندێ ئابوورییێ جیهانی ل داڤۆس” مه چه‌ندین هه‌ڤبه‌ستێن مهزن ئیمزا كرینه” هه‌روه‌سا پشكدارییا سه‌رۆكێ حكومه‌تا هه‌رێمێ و شاندێ حكومه‌تا هه‌رێمێ و بازرگان و وه‌به‌رهێنه‌رێن هه‌رێمێ و ڤه‌كرنا كوردیش هاوس” گرنگییه‌كا تایبه‌ت هه‌بوویه” دیسان سه‌رۆكێ حكومه‌تێ پتری 45 دیدار ل وی كۆربه‌ندێ جیهانی دا ئه‌نجامداینه.
د. محه‌مه‌د شوكری، زێده‌تر بۆ ئاژانسا خانی دیار كر: ل كۆربه‌ندێ ئابوورییێ جیهانی” ل داڤۆس، مه‌سرور بارزانی، سەرۆكێ حكومەتا هەرێما كوردستانێ د دیدار و كۆمبوونێن خۆ دا هاندانا به‌رپرسێن سیاسی و وه‌لاتان و سه‌رۆكێن كۆمپانییان كرینه داكو ل ده‌مێن بهێن دا بهێنه هه‌رێما كوردستانێ و وه‌به‌رهێنانێ بكه‌ن” هه‌روه‌سا به‌حسێ سیسته‌مێ بانكی و چه‌ندین بابه‌تێن دیتر یێن گرنگ بۆ پشته‌ڤانییا هه‌رێما كوردستانێ ل گه‌ل سه‌رمایه‌دار و كۆمپانییێن جیهانی هاتینه به‌حس كرن.
ناڤهاتی گۆت ژی: “کۆمپانییان سۆزدایه وه‌به‌رهێنانێ ل هه‌رێما كوردستانێ بكەن، ب تایبه‌تی د بیاڤێ سیسته‌مێ ئه‌لیكترۆنی، سیسته‌مێ بانكی، چاندنێ، ساخله‌می و پیشه‌سازییێ، په‌روه‌ردێ و خواندنا بلند و ژێرخانا ئابووری” دیسان بازرگان و وه‌به‌رهێنه‌رێن هه‌رێما كوردستانێ ل گه‌ل شاندێ هه‌رێما كوردستانێ بوون ل داڤۆس، ل كوردیش هاوس پتر ژ 75 دیدار و كۆمبوونان مه ل گه‌ل بازرگان و وه‌به‌رهێنه‌رێن بیانی ئه‌نجام داینه و چه‌ندین هه‌ڤبه‌ستێن مهزن دناڤبه‌را وه‌به‌رهێنه‌رێن كوردستانێ و یێن جیهانی ژی هاتینه ئیمزا كرن د چه‌ندین بیاڤێن جۆدا دا.
هه‌روه‌سا چه‌ندین په‌نه‌لێن جۆدا ل سه‌ر گه‌شتییارییا هه‌رێما كوردستانێ هاتینه پێشكێش كرن” هه‌روه‌سا به‌حسێ سیسته‌مێ وه‌به‌رهێنانێ و باتێن كلتۆری و فه‌رهه‌نگی و سیاسی ل كوردستانێ هاته كرن” د هه‌مان ده‌مدا كۆربه‌ندێ ئابوورییێ جیهانی ل داڤۆس” وه‌رچه‌رخانه‌كا گرنگا ئابووری و سیاسی بوویه بۆ هه‌رێما كوردستانێ.
