لوید ئۆستن، وەزیرێ بەرگرییا ئەمریكا د ڕاگەهاندنەكێدا دیاركر، هێزێن ئەمریكا ل سەر ڕاسپاردا جۆ بایدن، سەرۆكێ ئەمریكا چەند هێرش كرنە سەر كەتائیبا حزبولا یا عیراقێ و میلیشیایێن دی یێن حەشدا شەعبی.
وەزیرێ بەرگرییا ئەمریكا دیاركر، كو ئەو هێرش بەرسڤێن ڕاستەوخۆ یێن ئەمریكانە بەرامبەر ئەو هێرشێن كو میلیشیایێن سەر ب ئیرانێ ڤە ل دژی هێزێن ئەمریكا و هەڤپەیمانێن نیڤدەولەتی ل عیراق و سوریا ب كاردئینن.
دهێتە زانین، كو شەڤا بووری ل سنوورێ پارێزگەها بابل فڕۆكەیێن ئەمریكا چەند بارەگایێن میلیشیایێن حەشدا شەعبی كرنە ئارمانج و د ئەنجامدا هژمارەكا چەكدارێن حەشدێ برینداربوون.
