هه‌كه‌ قانوونا بودجەیی بهێته‌ ھەمواركرن ئاریشا مووچەیی دێ چارەسەر بیت

ئاژانسا خانی:

بریکارێ به‌رێ یێ وەزارەتا داراییا عێراقێ دیار كر: نوكه‌ قانوونا بودجەیی د بەرژەوەندییا ھەرێما کوردستانێ دا نینە، به‌لێ هه‌كه‌ ئه‌و قانوونه‌ بهێته‌ ھەموار كرن و مووچەیێ فەرمانبەران بكه‌ڤیته‌ سەر وەزارەتا دارایی یان ژی خەرجییێن حاکیمە دێ ئاریشا مووچەیی چارەسەر بیت.

د. فازل نەبی، زێده‌تر گۆت: ھەرێم و بەغدا ڕێکكه‌فتینه‌ ل سەر ھەموارکرنا قانوونا بودجه‌یی، هه‌كه‌ ل ده‌مێ ھەمواركرنێ مووچەیێ فەرمانبەرێن ھەرێما کوردستانێ بێخنە سەر وەزارەتا دارایی یان ژی خەرجییێن حاکیمە ئاریشا مووچەیی بۆ ئەڤ ساله‌ دێ چارەسەر بیت،  چونکی گه‌له‌ك خەرجییێن دیتر ھەنه‌ ب سەر وەزارەتا دارایییا عێراقێ ڤه‌نه‌” هه‌روه‌سا لدووڤ قانوونێ” نابیت چ کەس داخوازا لیستا مووچەیی فەرمانبەرێن ھەرێما کوردستانێ بکه‌ن، چونکی ل ده‌مێ پەسەندکرنا قانوونا بودجەیی بۆ سێ سالان پشکا ھەرێما کوردستانێ هاتییه‌ دیارکرن.