<h3 style="text-align: justify;"><span style="font-size: 18pt;">په‌رله‌مانێ عیراقێ ده‌نگ ل سه‌ر سزادانا داراییا په‌رله‌مانتاران دا، سزا ژى ئه‌وه كو هه‌ر په‌رله‌مانتاره‌كێ ڕۆژه‌كێ ل ڕوونشتنێن په‌رله‌مانى ئاماده‌نه‌بیت، دێ ب ئێك ملیۆن دیناران هێته جزادان.</span></h3> <h3 style="text-align: justify;"><span style="font-size: 18pt;">ئه‌ڤرۆ ڕوونشتنا په‌رله‌مانێ عیراقێ ب سه‌رۆكایه‌تییا محسن مه‌نده‌لاوى جێگرێ ئێكێ یێ سه‌رۆكێ په‌رله‌مانى ب كۆیا ده‌نگان پرۆژه‌یێ سزادانا داراییا په‌رله‌مانتاران ده‌ربازكر.</span></h3> <h3 style="text-align: justify;"><span style="font-size: 18pt;">جێگرێ سه‌رۆكێ په‌رله‌مانێ عیراقێ ڕاگه‌هاند، بریار دێ ل ڕوونشتنا بهێت چیته دبواری بجهئینانێدا.</span></h3> <h3 style="text-align: justify;"><span style="font-size: 18pt;">د. خالد ڕێكانى ئه‌ندامێ جڤاتا نوونه‌ران ل دۆر ڤێ بریارێ بۆ ئاژانسا خانى ئاشكراكر، به‌رى نوكه هه‌ر په‌رله‌مانتاره‌كێ سێ ڕوونشتنان ل دووڤ ئێك ئاماده نه‌ببا، دا لژنه‌یه‌ك ل سه‌ر وى هێته پێكئینان و ب 500 هزار دیناران هێته جزادان، لێ ژبه‌ركو په‌رله‌مانتار گه‌له‌ك جاران نیسابى تمام ناكه‌ن و دبنه ئه‌گه‌ر كو ده‌نگ ل سه‌ر پرۆژه‌قانوونان نه‌هێته‌دان، داخواز هاته كرن ئه‌ڤ جزایه بۆ هه‌موو ڕوونشتنان هه‌بیت و بهێته زێده‌كرن داكو هه‌موو دئاماده‌بن.</span></h3> <h3 style="text-align: justify;"><span style="font-size: 18pt;">گوت ژى: هه‌موو په‌رله‌مانتارێن كورد پێگیرییێ ب ڕوونشتنان دكه‌ن، ب تنێ په‌رله‌مانتارێن عیراقێ ئاماده‌نابن، ئه‌ڤ بریاره ژ ئه‌گه‌رێ نه‌ئاماده‌بوونا وان هاتییه ده‌ركرن.</span></h3>
