بەرپرسه‌كێ بلندێ سوپایێ عێراقێ به‌حسێ کرین و فرۆتنا پۆستێن سەربازی دكه‌ت

ل بەرامبەر پێدانا پۆستێ فەرماندەیا ئۆپەراسیۆنێن بەغدا، داخوازا 250 ملیۆن دیناران ژ فەرماندەكێ سوپایێ عێراقێ هاتییه‌ كرن؛ ئەو ژی رەت دكه‌ت وی پارەیی بده‌ت” له‌وما لژنا لێکۆلینێ ل دژی وی هاتییه‌ پێكئینان.

لیوا حسێن سعوود سوادی، فەرماندێ فرقا هەشت یا پیاده‌ یا سوپایێ عێراقێ پەیامه‌كا ڤیدیۆیی ئاراستەیی محەمەد شیاع سوودانی، سەرۆکوەزیران و فەرماندێ گشتی یێ هێزێن چەکدار کرییه‌ و دبێژیت، ده‌مێ بارەگه‌هێ فرقه‌یا وان ل ده‌ڤه‌را قائیم بوو، سەرۆک ئەرکانێ نوكه‌ یێ سوپایێ عێراق سەره‌دانا وان کرییه‌ و پاشی داخواز ژێ کرییە ب تنێ ل گله‌ كۆم ببیت.

هه‌روه‌سا گۆتییه‌، ده‌مێ چوویە ده‌ف سەرۆک ئەرکانێ نوكه‌ یێ سوپایێ عێراقێ، گوتییە وی، سەرۆک ئەرکان “وەکو رێزلێنانه‌ك بۆ بزاڤ و زه‌حمه‌تا ته‌، پشتی 10 رۆژێن دی دێ بریاره‌كێ بۆ ته‌ دەرکەم و دێ ته‌ کەمە فەرماندێ ئۆپەراسیۆنێن بەغدا”.

بەلێ به‌ری كو بچم، ب ئاشكرایی گۆت، ئەبو عەلی ئەڤە ب پارەیە” من گۆتێ چ، ببوورە گەورەم، چاوا ب پارەیە؟ گۆت، دڤێت 250 ملیۆن دیناران کاش بده‌یه‌ من و دڤیت 250 ملیۆن دینارێن دیتر هه‌یڤانه‌ بده‌یه‌ من” ب ڕاستی تووشی شۆکبوونی بووم، من گوتێ، 250 ملیۆن دینارێن چ؟.