<h3></h3> <h3>ئاژانسا خانی " زنار تۆڤی:</h3> <h3></h3> <h3>رێڤەبەرێ ناحییا دینارتە یا سەر ب قەزا ئاکرێ ڤه دیار كر: ب بریارا سهرۆكێ حكومهتا ههرێما كوردستانێ نەخۆشخانەک ل دینارتە دهێته دروست كرن، ههتا نوكه کارهكێ باش تێدا هاتییه کرن و ههتا ههیڤا نیسانا ئهڤ ساله دێ تهمام بیت و دێ كهڤیته د خزمهتا وهلاتییێن وێ دهڤهرێ دا.</h3> <h3> سەربەست سەبری ئاكرهیی" زێدهتر بۆ ئاژانسا خانی گۆت: ل ناحییا دینارتە دەست ب دروستکرنا بنگهههكێ ساخلهمییێ ژ جۆری (A) هاتییه کرن ھەموو پشكێن گرنگ ییێن ساخلهمییێ دناڤدا ههنه، وەکو پشكا ژ دایكبوونێ و تیشکێ و سۆنار و چهندین پشكێن دیتر، ئهو بنگههه ل سەر ڕووبەرێ پێنج ھزار مەتران هاتییه دروست کرن و ملیارهك و 29 ملیۆن دینار بۆ هاتینه تهرخانكرن و ههتا نوكه کارهكێ زۆر باش تێدا هاتییه کرن و 50% ێ كارێن وی بنگههی تهمام بووینه و ههتا نیسانا ئهڤ ساله دێ تهمام بیت و دێ كهڤیته د خزمهتا وهلاتییان دا.</h3> <h3> ناڤهاتی گۆت ژی: چێكرنا وی بنگههێ ساخلهمییێ گهلهك گرنگییا خۆ بۆ خهلكێ ناحییا دینارته ههیه و ههتا نوكه مه چ نهخۆشنانه ل وێ دهڤهرێ نهبوون و خهلكێ ڤێ دهڤهرێ كو 80 گوند دێ مفای ژ وی بنگههێ ساخلهمییێ بینن و بهری نوكه خهلكێ ناحییا دینارته دچوونه ئاكرێ بۆ چارهسهرییێن ساخلهمییێ، ههروهسا ئهم سوپاسییا حکومەتا ھەرێما کوردستانێ دکەین کو ئەڤ نەخۆشخانە بۆ مە دروستکرییە.</h3>
