دیاردا کۆچکرنا نۆشدارێن ئیرانی بۆ دەرڤه‌یی وه‌لاتی ژ ئه‌گه‌رێ خرابییا ره‌وشا ئابووری و قەیرانا دارایی بۆ دەرڤه‌یی وه‌لاتی هه‌ڤبه‌ری سالێن بوری پتر زێده‌بوویه، هه‌ر چه‌نده حکومەتا ئیرانی خۆ ژ ئاشکراکرنا ئامارێن راست و دروست ڤه‌دزیت، بەلێ ئه‌ڤرۆ رۆژناما ئیعتماد به‌لاڤكرییه، ل پێنج سالێن بوری هه‌تا نوكه کۆچكرنا نۆشدار و پەرستاران ب رێژا 200% ێ زێده‌بوویه.
وێ رۆژنامێ دیار كرییه، باوه‌رنامێن دەرچوون و پشتڕاستکرنا زانستی ل سەرانسەری جیهانێ مەرجه‌كێ سەرەکی یێ پێدانا دەلیڤێن کاری و خزمەتکرنێنه ل کەرتێ ساخله‌مییێ، له‌وما نۆشدار و پەرستار و دەرچووایێن پشكێن زانستی یێن دیتر یێن نۆشداری داخوازا پشتگیرییێ ژ سەندیکا نۆشداران دکەن.
