هژمارەكا به‌نداڤان ل ھەرێما كوردستانێ دێ هێنه‌ دروست دکرن

ئاژانسا خانی:

ڕەحمان خانی” رێڤەبەرێ گشتییێ بەنداڤان و کۆگه‌هكرنا ئاڤێ ل هه‌رێما كوردستانێ” بۆ ئاژانسا خانی دیار کر: ئه‌م ل گه‌ل حكومه‌تا عیراقێ دانوستاندنان دکەین بۆ هندێ ئەو بەنداڤێن بڕیارە ل سەر بودجا عێراقێ بهێنه‌ دروست کرن ئەڤ ساله‌ بهێنه‌ چێكرن.

ناڤهاتی گۆت ژی: ئه‌ڤ ساله‌ ئه‌م ل گه‌ل حکومەتا عیراقێ دانوستاندنان دکەین بۆ دەستپێکرنا ئەوان چار بەنداڤێن كو بڕیارە ل سەر بودجێ عێراقێ ل ھەرێما کوردستانێ بهێنه‌ دروست كرن،  چونکی دروستکرنا ئەوان بەنداڤان دێ کاریگەری هه‌بیت ل سەر کەرتێ ئاڤێ و كه‌رتێ گەشتوگوزارێ چاندنێ ل ھەرێمێ، ھەروه‌سا بڕیارا دروستکرنا وان هه‌ر چار بەنداڤان دەرچوویە، بەلێ ھێشتا كار تێدا نه‌هاتییه‌ كرن.