په‌رله‌مانتاره‌ك: دەرخستنا هێزێن هه‌ڤپەیمانان د دەستهه‌لاتا پەرلەمانێ عێراقێ دا نینه‌

ئاژانسا خانی:

ئەندامه‌كێ پەرلەمانی عێراقێ” ژ فراكسیۆنا پارتی دیموكراتی كوردستان دیار كر: بابه‌تێ دەركرنا هێزێن هه‌ڤپەیمانان ل عێراقێ د دەستهه‌لاتا سەرۆککۆمارێ عیراقێ و سەرۆکوەزیران دایە.

شێروان دوبەردانی، زێده‌تر گۆت: روونشتنا ئەڤرۆ شه‌مبییێ یا پەرلەمانێ عیراقێ ده‌رباره‌یی هێرشێن ڤێ دووماهییێ یێن ئەمریکا بۆ سەر عێراق بوونن هه‌ر چه‌نده‌ ئه‌و روونشتنه‌ گیروبوو” چونکی جێگرێ ئێكێ یێ سەرۆکێ پەرلەمانی ل دەرڤه‌یی وه‌لاتی بوو” هه‌روهسا بابه‌تێ دەرخستنا هێزێن ئەمریکا و هه‌ڤپەیمانان د دەستهه‌لاتا پەرلەمانێ عێراقێ دا نینە، بەلکو د دەستهه‌لاتا سەرۆککۆمارێ عیراقێ و سەرۆکوەزیران دایه‌، له‌وام بابه‌تێ کۆمکرنا ئیمزایان ل پەرلەمانی بۆ ڤی بابەتی موزایەدا سیاسی یا هنده‌ك لایەنا بوویه‌.