ئەڤرۆ ئێكشەمبی 11 ی شواتا 2024 ێ” مەسرور بارزانی، سەرۆكێ حكومەتا هەرێما كوردستانێ، ب سەرۆكاتییا شانده‌كێ حكومەتێ بەرەف ئیماراتێ برێكەفت بۆ پشكداریكرنێ د گۆپیتكا جیهانییا حكومەتان كو دێ ل ڕۆژێن 12-14 /2 ێ ل باژێرێ دوبەیی هێته گیران.
سەرۆكێ حكومەتێ ب بانگهێشتناما تایبەت یا شێخ محەمەد بن ڕاشد ئالمەكتووم جێگرێ سەرۆكێ دەوله‌تا ئیماراتێ و سەرۆكێ جڤاتا وەزیران و حاكمێ میرنشینا دوبەیی دێ پشكدارییێ د وێ گۆپیتكێ دا كه‌ت كو بڕیارە گوتاره‌كێ د وێ گۆپیتكێ دا ب ئامادەبوونا هژمارەكا سەرۆك و سەرۆكوەزیران و بەرپرسێن بلندێن جیهانی پێشكێش بكه‌ت.
سەرۆكێ حكومەتێ د وێ گۆپیتكێ دا، دێ چەندین دیدار و كۆمبوون ل گەل بەرپرس و هزرمەند و خودانكارێن عەرەبی و هەرێمی و جیهانی هه‌بیت.
