ئاژانسا خانی:
سەرۆکێ دەستەیا وەبەرھێنانێ ل حكومه‌تا ھەرێما کوردستانێ گۆت: پشكداریکرنا سەرۆکێ حکومەتێ د گۆپیتكا جیھانییا حکومەتان دا ل ئیماراتێ گه‌له‌ك گرنگییا خۆ ھەیە” ب رێیا وێ گۆپیتكێ دێ وەبەرھێنەرێن بیانی هێنه ھەرێما کوردستانێ داكو کارێ وەبەرھێنانێ بکەن.
د.محەمەد شوکری، گۆت ژی: پشكداریکرنا سەرۆکێ حکومەتێ و شاندێ حكومه‌تا هه‌رێمێ د گۆپیتكا جیھانییا حکومەتان دا ل ئیماراتێ گه‌له‌كا گرنگە، داكو ھەرێما کوردستانێ بشێت خۆ بۆ جیھانێ بده‌ته نیاسین و پتر دەلیڤا وەبەرھێنانا بیانی بۆ خۆ په‌یدا بكه‌ین و ھاندانا وەبەرھێنەرێن بیانی بدەین بهێنه ھەرێما کوردستانێ وەبەرھێنانێ ئەنجام بدەن.
ناڤهاتی گۆت ژی: ئه‌م ژی وەکو دەستەیا وەبەرھێنانێ پشكدارییێ د پانێله‌كی تایبەت دا د بیاڤێ وەبەرھێنانێ دا کەین و دێ به‌حسێ دەلیڤێن خۆ بۆ وەبەرھێنەرێن بیانی کەین، چونکی پرانییا تەوەرێن وێ گۆپیتكێ د ئابوورینه، بڕیارە سەرۆکێ حکومەتا ھەرێما کوردستانێ چەندین دیدار و کۆمبوونان ل گەل سەرۆک و سەرکردێن وه‌لاتێن پشكدار ئەنجام بده‌ت.
