سهرۆكێ ههرێما كوردستانێ ل گهل وهزیرێ دهرڤه یێ ڤاتیكانێ بهحسێ رهوشا پێكهاتێن عیراقێ و ب تایبهتی یێن ههرێما كوردستانێ كر.
ئهڤرۆ شهمبییێ” سهرۆكێ ههرێما كوردستانێ ل گهل پۆل گالاگهرن وهزیرێ دهرڤه یێ ڤاتیكانێ كۆمبوو” د وێ كۆمبوونێ دا پهیوهندییێن ڤاتیكانێ ل گهل عیراق و ههرێما كوردستانێ، رهوشا پێكهاتان ل عیراقێ و ب تایبهتی ژی ل ههرێما كوردستانێ، رهوشا سیاسى و ئێمناهییا عیراقێ، پهیوهندییێن ههولێر و بهغدا، شهڕێ غهزه و رهوشا ڤێ دهڤهرێ ب گشتى هاته بهحسكرن.
وهزیرێ دهرڤه یێ ڤاتیكانێ حهزا وهلاتێ خۆ بۆ بهردهوامیدانا پتر ب پهیوهندییێن ل گهل عیراقێ و ههرێما كوردستانێ نیشان دا و رهوشا پێكهاتان و پێكڤهژیانێ ل ههرێما كوردستانێ بلند نرخاند و دوپاتكر، قهداسهتا پاپایێ ڤاتیكانێ رێز و ڤیان بۆ ههرێما كوردستانێ ههنه.
ژ ئالییێ خۆ ڤه سهرۆك نێچیرڤان بارزانى سۆپاسییا پشتهڤانییا بهردهوام یا ڤاتیكانێ ل عیراق و ههرێما كوردستانێ كر و رێز و ڤیان بۆ قهداسهتا پاپایى هنارتن، ههروهسا دوپاتكر كو ههرێما كوردستانێ ههردهم بۆ ههموو پێكهاتان وهلاتێ پێكڤهژیان و ئێكدوقهبوولكرنێ و لێبۆرینێیه.
