ئاژانسا خانی:
ئەڤرۆ سەرۆکاتییا ھەرێما کوردستانێ ل گەل کۆمسیۆنا بلندا سەربەخۆیا ھەلبژارتنێن عێراقێ و ب ئامادەبوونا نوونەرێ یوئێنێ کۆمبوویە، عهبدولسهلام بهرواری ئێك ژ پشكداربوویێن وێ كۆمبوونێیه دبێژیت: کۆمسیۆن یا بهرههڤە ھەلبژارتنێن پهرلهمانێ كوردستانێ د ئهڤ ساله دا و ل ههیڤا شهش ئهنجام بدهت.
عەبدولسەلام بەرواری، زێدهتر بۆ ئاژانسا خانی دیار كر: کۆمبوونا ئەڤرۆ سێشهمبی گهلهكا باشبوو و دهێته چاڤهرێكرن دادگههـا بلندا فیدرالی بڕیارا خۆ بدهت، کۆمسیۆنێ ژی بهرههڤییێن خۆ کرینە و خشتهیێ کارکرنێ ژی دانایە، ههكه داگهها فیدرالی سوبەهی چارشهمبی بڕیارا خۆ بدهتن كومسیۆن ژی دێ دەست ب کارێن خۆ کەت، سەرۆکێ ھەرێما کوردستانێ ژی دێ دهمهكێ بۆ ئهنجاندانا ههلبژارتنان دیاركهت.
ناڤهاتی گۆت ژی: ڤێ جارێ دێ دهمهك ژ لایێ سەرۆکێ ھەرێما کوردستانێ بۆ ئەنجامدانا ھەلبژارتنان هێته دیار کرن و ئێدی ئهو دهمه ناهێته پاشخستن، نوكه حکومەتا ھەرێما کوردستانێ ژی ئامادەییا خۆ دەربڕییه و وەزارەتا پەروەردێ ژی دێ یا هاریكار بیت ژ بۆ ئهنجامدانا ههلبژارتنان” بڕیاره بهرى دهمێ یاسایی یێ كومسیۆنێ ب دووماهى بهێت ب ههیڤهكێ ههلبژارتنێن ههرێمێ بهێنه كرن.
