نێچیرڤان بارزانی، سەرۆكێ هەرێما كوردستانێ د ڕۆژا جیهانی یا زمانێ دایكێ دا پەیامەك بەلاڤكر.
دەقێ پەیاما سەرۆكێ هەرێمێ:
د ڕۆژا جیهانی یا زمانێ دایكێ دا، دوپاتییێ ل پاراستن و پێشخستنا زمانێ كوردی و زمانێ دایكێ بۆ هەمی پێكهاتان و بهێزكرنا فرەچەشنا زمان و كلتووران ل كوردستانێ و مافێ خواندنێ و پەروەردە و فێربوون و ئازادییا زمانێ دایكێ ل هەمی جهەكێ جیهانێ دكەین.
د ڤێ یادێ دا ب ڕێزڤە هەمی وان كەسان ل بیرا خۆ دئینین یێن خزمەتا زمانێ كوردی و زمانێ دایكێ یێ هەمی پێكهاتێن كوردستانێ كری. دهستخۆشییێ ژی ل وان دكەین یێن كو ل سەر وێ خزمەتا پیرۆز بەردەوامن ل پێناڤی پاراستنا گرنگترین ڕەگەز و بنەمایێن ناسناما نەتەوەی و كلتووری كو زمانێ دایكێ یە.
