ئاژانسا خانی:
شارهزایهكێ دهستووری دبێژیت، بڕیارێن دادگهها بلندا فیدرالی چ بهایهك بۆ دهستههلاتا یاسادانانێ ل عێراقێ نههێلایه و بڕیارێن دادگهها فیدرالی گهفن بۆ سهر دهستوورێ عیراقێ” دادگهها بلندا فیدرالی زێدهگاڤییێ ل سهر دهستههلاتا یاسادانانێ ل عێراقێ و ل سهر حكومهتێ و پهرلهمانێ عێراقێ دكهت” ههروهسا دستوورێ عیراقێ دهستوورهكێ (جامده) ههر گوهۆرینهكا تێدا بهێته كرن” دڤێت راپرسی بهێته كرن” چونكی نابیت بێی راپرسی چ برگهیێن دهستوورێ عیراقی بهێنه گوهۆرین” نوكه شیعه زۆرینهنه ل دادگهها بلندا فیدرالی دا” لهوما ههر بریارهكا وان دڤێت دشێن بدهن.
پارێزهر ئازاد دۆسكی، شارهزایهكێ دهستوورییه” زێدهتر بۆ ئاژانسا خانی دیاركر: دادگهها بلندا فیدرالی یا نهدهستوورییه و ب زۆرینهیا پێكهاتێن دناڤا وێ دادگههێ دا بریاران ددهت، ههروهسا بریارا وێ دادگههێ یا ئهڤرۆ چارشهمبی 21 ی شواتا 2024 ێ” یاكو دهربارهیی كورسییێن پێكهاتێن پهرلهمانێ كوردستانێ دچیته دناڤا ههمان چارچۆڤێ ب سیاسیكرنا بڕیارێن وێ” كو پرانییا وێ دادگههێ ژی ژ شیعهیان پێكدهێت.
ناڤهاتی گۆت ژی: بڕیارێن دادگهها فیدڕالی چ بهایهك بۆ دهستههلاتا یاسادانانێ ل عێراق نههێلایه و دیسان وێ دادگههێ ههیمهن و ئهركێ پهرلهمانێ عێراقێ ژی كێمكرییه” ههروهسا ل ههموو سیستهمێن پێشكهفتی یێن جیهانی، یا دروست ئهوه پهرلهمان نوونهرێ راستهقینه یێ خهلكێ بیت، بهلێ ل عێراقێ ژ ئهگهرێ دادگهها فیدڕالیڤه ئهڤ نوونهراتییه ژ پهرلهمانی هاتییه ستاندن.
ئازاد دۆسكی گۆت ژی، بڕیارێن ئهڤرۆ یێن دادگهها فیدرالی بهرۆڤاژی بڕیارێن بهری نوكه یێن وێ دادگههێ بوون، ئهوا جهێ دلگرانییێ ئهڤ دادگههه دهستووری دئێخیته ژێر گومانێ و گهفێن زێدهتر د بجهئینانا مادێن وی دا، بڕیارا دادگهها فیدڕالی دهربارهیی كورسییێن پێكهاتان، بریارهكا سیاسی بوویه” دیسا ههكه قانوونا نهفت و گازێ ل عیراقێ نههێته دانان” ئهڤ دادگههه دێ بریارێن خرابتر دهت و دێ رهوش ل عێراقێ ئالۆزتر لێ هێت و دێ پاشی بریارێن خرابتر دهت.
