شارەزایەكێ له‌شكه‌ری: ھێزێن ئەمریكا ب چ ره‌نگان ژ عێراقێ ده‌رناكه‌ڤن

عیاد تۆفان، شارەزایه‌كێ له‌شكه‌ریییه‌ دبێژیت: ب چ ره‌نگان ھێزێن ئەمریكا ژ عێراقێ ده‌رناكه‌ڤن” چونكی ھێزێن ئەمریكا ھاتینه‌ داكو بمیننه‌ ل عیراقێ و چەندین بنگه‌هێن له‌شكه‌ری یێن تایبەت ل عێراقێ دامەزراندینە.

ناڤهاتی گۆت ژی: ئەگەر هات و ھێزێن ئەمریكا ژ عێراقێ هاتنه‌ ڤه‌كێشان، دێ گه‌له‌ك لێكەفت ل سەر ئاستێ سەربازی دا په‌یدا بن، چونكی ھێشتا عێراق ژ ئالییێ ھەوالگێرییێ و هێزا ئه‌سمانیڤە پێدڤی ب پشته‌ڤانییا ئەمریكا و ھه‌ڤپەیمانان ھەیە” دیسان هه‌تا نوكه‌ عیراق نه‌شێت ئه‌سمانێ خۆ بپارێزیت.

عیاد هێشتا دبێژیت: ژ لایێ ئابووریڤە هه‌تا نوكه‌ داھاتێ فرۆشتنا نەفتا عێراقێ، دچنە بانكێن فیدڕالییێن ئەمریكا و پاشی ئه‌و ی پاره‌یی دده‌نه‌ عێراقێ” هه‌روه‌سا ل ده‌مێن بوری ئەمریكا هنارتنا دۆلاری بۆ عێراقێ كێم كر و بهایێ دیناری ژی بەرامبەر دۆلاری داكه‌فتبوو، ژ ئالییه‌كی دیترڤه‌ ئەگەر بالیۆزخانا ئەمریكا ل عێراقێ خۆ ڤه‌كێشیت، دێ هه‌موو هنارتییێن دبلۆماسی یێن دیتر ژی خۆ ژ عێراقێ ڤه‌كێشن” هه‌روه‌سا ئەگەر ھێزێن ئەمریكا خۆ ژ عێراقێ ڤه‌كێشن، دێ جاره‌كا دی تیرۆریستێن داعشێ  بھێز ل ده‌ڤه‌رێن ئاریشه‌ لسه‌ر هه‌ین سەرھەلدەنەڤە.