وه‌زیرێ ناڤخۆ: ئیرادا ڤی میلله‌تی‌ ناله‌رزیت و هه‌ر دێ بهێز مینیت

وه‌زیرێ ناڤخۆ یێ حكومه‌تا هه‌رێما كوردستانێ د‌ ڕێوره‌سمێن چله‌یا ماته‌مینییا شه‌هیدان ژینا و پێشڕه‌و دزه‌یی ل‌ هۆلا شه‌هید سه‌عه‌د عه‌بدوللایی گوتاره‌ك پێشكێش كر و گۆت: ل سه‌ر ده‌ستێ جه‌نابێ سه‌رۆك بارزانی، ئه‌ڤ هه‌رێمه دێ هه‌ر‌ بهێز و لاندكا پێكڤه‌ژیانێ مینیت.

ئه‌ڤرۆ شه‌مبییێ‌ رێبه‌ر ئه‌حمه‌د، وه‌زیرێ ناڤخۆ یێ حكومه‌تا هه‌رێما كوردستانێ، ل چله‌یا ماته‌مینییا شه‌هید پێشڕه‌و دزه‌یی و ژینا یا كچی وی، گۆت: پێشتر ب كێمیا بارانكرنێ و ب‌ عه‌ره‌بكرنێ وڤه‌گوهاستن و جینۆسایدكرنێ و ئه‌نفالكرنێ، وان دڤییا ڤێ نه‌ته‌وێ و ڤی وه‌لاتی نه‌هێلن‌، وان دڤییا ئیرادا ڤی ملله‌تی بشكێنن، له‌وما ئه‌وێن بۆ جارا دووێ ب‌ مووشه‌كێن بالیستی هێرشكرییه‌ سه‌ر هه‌ولێرێ، ئه‌م دبێژینه‌ وان نه‌ ب‌ ئه‌وێن به‌ری هه‌وه‌ و نه‌ ب ئه‌وێن نوكه‌ ژی، ئیرادا ئه‌ڤی ملله‌تی‌‌ ناله‌رزیت و دێ هه‌ر بهێز مینیت‌، چونكی خودان بیر و باوه‌ره‌كا بهێز و رێبه‌رایه‌تییه‌كا حه‌كیمانه‌یه‌” ل سه‌ر ده‌ستێ جه‌نابێ سه‌رۆك بارزانی، ئه‌ڤ هه‌رێمه‌ هه‌ر دێ بهێز مینیت و دێ ب‌ لاندكا پێكڤه‌ژیانێ مینیت‌.