ئه‌ندامه‌كێ جڤاتا نوونه‌رێن عێراقێ ڕاگه‌هاند، هه‌ر ژ ده‌مێ ئه‌و چووینه جڤاتا نوونه‌ران كار ل سه‌ر ڤه‌كرنا زانكۆیه‌كێ ل شنگالێ كرییه، خۆشبه‌ختانه ئه‌و شیان ڕازیبوونێ ل سه‌ر ڤه‌كرنا زانكۆیێ وه‌ربگرن، جهه‌ك ژى بۆ ئاڤاكرنا وێ هاتییه ده‌ستنیشانكرن.
مه‌حما خه‌لیل، ئه‌ندامێ جڤاتا نوونه‌رێن عیراقێ ل سه‌ر فراكسیۆنا پارتى بۆ ئاژانسا خانى دیاركر، 210 دونه‌مێن ئه‌ردى بۆ دروستكرنا ئاڤاهییێ زانكۆیا شنگالێ هاتینه ده‌ستنیشانكرن، دڤێ حه‌فتییێدا به‌رێ بنیاتى بۆ ئاڤاكرنا وێ دێ هێته دانان.
ئاماژه ب هندێ ژى دا، زانكۆ دێ پشكێن، ئه‌ندازیارى، چاندن، په‌روه‌رده و فیتێرنه‌رییێ بخۆڤه‌گریت، دپلاندایه ئه‌ڤ زانكۆیه بهێته به‌رفره‌هكرن و ببیته ئێك ژ مه‌زنترین زانكۆیێن عیراقێ.
