وه‌زاره‌تا په‌روه‌رده‌یا حكومه‌تا هه‌رێما كوردستانێ پلاتفۆرما ئى كتێبخانه و ڕاهێنانان ڕاگه‌هاند، كو سیسته‌مه‌كێ خزمه‌تگوزارییا دیجیتالییه.
ل ده‌مێ ڕاگه‌هاندنا پلاتفۆرمێ د. ئالان حه‌مه سه‌عید وه‌زیرێ په‌روه‌ردێ ئاماژه ب هندێ دا، ب هاریكارییا ڕێكخراوێن جیهانى كو خواندنێ بۆ ماموستا و قوتابییان به‌رده‌ست دكه‌ن، گشتاندنه‌ك دێ بۆ هه‌موو ماموستایان هێته‌كرن، هه‌ر ماموستایه‌كێ پترین په‌رتوكان بخوینیت و مفاى ژێ وه‌ربگریت دێ، پێنج ملیۆن دیناران وه‌كو خه‌لاتێ ڕێزا ئێكێ وه‌رگریت، خۆدانێ ڕێزا دووێ ژى دێ چار ملیۆن دیناران وه‌رگریت، سێ ملیۆن دینار دێ بۆ ماموستایێ خۆدانێ ڕێزا سێیێ بن.
هه‌ر قوتابییه‌ك ژى پترین په‌رتوكان بخوینیت، دێ ناسناڤێ قوتابییێ خوینه‌ر ل قوتابخانه‌یێ وه‌رگریت.
