لژنا ئاساییش و به‌رگرییێ ل په‌رله‌مانێ عیراقێ: مه‌ راپۆرت به‌رهه‌ڤكرییه‌ و ب تنێ یا مایی‌ راسپاردان بنڤێسین

ئاژانسا خانی:

جێگرێ سەرۆکێ لژنا ئاسایش و بەرگرییێ ل پەرلەمانێ عێراقێ گۆت: روودانا ھەولێرێ گه‌له‌ك یا مه‌زن بوو، پێدڤی بوو ھەر ل وی ده‌می بریارا پێدڤی هاتبادان” به‌لێ هه‌تا نوكه‌ بریار  نه‌هاتییه‌ دان.

سەگڤان سندی، زێده‌تر بۆ ئاژانسا خانی گۆت: هه‌تا نوكه‌ پتری 40 رۆژان ل سه‌ر وێ هێرشا ل سه‌ر ھەولێرێ هاتییه‌ كرن ده‌رباز بووینه‌ و هه‌تا نوكه‌ چ ئەنجام نەبووینە، هه‌ر چه‌نده‌ مه‌ راپۆرت به‌رهه‌ڤكرییه‌ و ب تنێ یا مایی ڕاسپاردان بنڤێسین.

ناڤهاتی گۆت ژی: لژنا دووڤچوونێ كارێ خۆ كرییه‌، هه‌تا نوكه‌ چەندین لژنە هاتینه‌ پێکئینان” به‌لێ هه‌تا نوكه‌ ئه‌نجام نه‌هاتینه‌ راگه‌هاندن، هه‌روه‌سا ل ناڤا ھەولێرێ مالا وه‌لاتییه‌كێ سڤیل کرییە ئارمانج و شەھید و بریندار ھەنە” پێدڤی بوو د وی روودانێ دا ئەنجامه‌كێ بھێز ھەبایە” پێدڤی بوو هه‌ر ل وی ده‌می حكومه‌تا عێراقێ بریاره‌كا پێدڤی دابایە، چونکی ئەوا ھەیی ب تنێ شه‌رمزارکرنە و چ تشتی دیتر نه‌بوویه‌.