نێچیرڤان بارزانى سه‌رۆكێ هه‌رێما كوردستانێ پێشوازى ل سولتان بن موباره‌ك ئه‌لكوبه‌یسى بالیۆزێ نوو یێ قه‌ته‌ر ل عیراقێ كر.
سه‌رۆكێ هه‌رێما كوردستانێ زێده‌بارى پیرۆزباهییا ده‌ستبكاربوونێ، هیڤییا سه‌ركه‌ڤتنێ بۆ بالیۆزێ نوو یێ قه‌ته‌رێ خواست، خۆشحالییا خۆ ب ئاستێ په‌یوه‌ندییێن قه‌ته‌ر دگه‌ل عیراقێ و هه‌رێما كوردستانێ ده‌ربرى، دووپاتكر كو ده‌رفه‌تا باش بۆ پێشڤه‌برنا په‌یوه‌ندییان و به‌رفره‌هكرنا هاریكارییێن هه‌ڤپشك دناڤبه‌را هه‌ردوو لایه‌ناندا هه‌یه.
ژلایێ خۆڤه بالیۆزێ نوو یێ قه‌ته‌ر، خۆشحالییا خۆ ب ده‌ستبكاربوونێ وه‌كو بالیۆزێ نوو یێ وه‌لاتێ خۆ ل عیراقێ نیشاندا، دووپاتى ل هندێ كر، هه‌موو ده‌زگه‌هێن قه‌ته‌ر بۆ عیراقێ و هه‌رێما كوردستانێ دڤه‌كرینه، قه‌ته‌ر دخوازیت دبیاڤێن وه‌به‌رهێنان، ئابوورى، كولتوورى و چه‌ندین بیاڤێن دیدا، په‌یوه‌ندییێن خۆ دگه‌ل عیراقێ و هه‌رێما كوردستانێ پێشبێخیت.
