ئەلمۆنیتەر: ئیدارا بایدنی کوردستان کرییە بەرێ بنیاتێ پەیوەندییێن ئه‌مریكا ل گه‌ل عێراقێ

پێگەهێ ئەلمۆنیتەر راگه‌هاند، دادگەها فیدرالی ئەجێندایێن ته‌هرانێ بجهدئینیت و بزاڤێن لاوازکرنا دەستهه‌لاتێن هەرێما کوردستانێ دده‌ت، ل بەرامبەر دا ئیدارا بایدنێ کوردستان کرییە بەرێ بنیاتێ پەیوەندییێن خۆ ل گەل هه‌موو عێراقێ.

پێگەهێ ئەلمۆنیتەر یێ ئەمریکی راپۆرته‌ك دەربارەیی وان کۆد و دەستەواژان به‌لاڤکرییە یێن كو بەرپرسێن بلند یێن ئەمریکی ل ده‌مێ کۆمبوونێن وان ل گەل سەرۆکوەزیران مەسرور بارزانی بکار ئینایین، ب تایبەتا دەستەواژێن “هەرێما کوردستانا ب هێز و حکومەتا خۆراگر”، کو ئەڤ دەستەواژه‌ لدووڤ عورفێن دیپلۆماسی واتایێن جۆدا هەنە.

هه‌روه‌سا گۆتییه‌: ئیدارا بایدنی پشته‌ڤانییا هەرێما کوردستانا خۆراگر دكه‌ت، هەروەسا هەرێما کوردستانێ بەرێ بنیاتێ پەیوەندییێن ئەمریکایە ل گەل هه‌موو عێراق.