دهێته‌ پێشبینی كرن مه‌نده‌لاوی هه‌تا دووماهییا ڤێ خولا یاسادانانێ وه‌كو‌ سه‌رۆكێ په‌رله‌مانێ عێراقێ بمینیت

چارچوڤێ هه‌ماهه‌نگییێ ده‌رباره‌یی پڕنه‌كرنا پۆستێ سه‌رۆكیێ نوویێ په‌رله‌مانی و به‌رده‌وامییا ململانا هێزێن‌ سووننی، پێشبینییێ دكه‌ت، محسن مه‌نده‌لاوی هه‌تا دووماهییا ڤێ خولا یاسادانانێ وه‌كو‌ سه‌رۆكێ په‌رله‌مانێ بمینیت.

سه‌باره‌ت ئه‌گه‌رێن ل هه‌مبه‌ر درێژه‌كێشانا رێكنه‌كه‌فتنا لایه‌نێن‌ سووننی له سه‌ر پۆستێ سه‌رۆكێ نوویێ په‌رله‌مانی و ئێكلانه‌كرنا ڤی بابه‌تی ل‌ دادگه‌ها فیدرالی، هێزێن‌ شیعی پێشبینی د‌كه‌ن هه‌تا دووماهییا ڤی وه‌رزێ یاسادانانا په‌رله‌مانی، محسن مه‌نده‌لاوی ل سه‌ر كورسییێ حه‌لبووسی بمینیت.

عه‌لی زوبێدی، ژ‌ هه‌ڤپه‌یمانییا فه‌تح گۆت‌، مانا محسن مەنده‌لاوی وەکو سەرۆک هه‌تا دووماهییا خولا نوكه‌ یا پەرلەمانی په‌یوه‌ندی ب هه‌ڤركییێن ناڤمالا سووننیڤه‌ هه‌یه‌‌” دیار كر، مه‌نده‌لاوی پیشه‌ییانه‌ روونشتنێن پەرلەمانی برێڤه‌ دبه‌ت و پشته‌ڤانییه‌كا زۆر ل پەرلەمانی هەیە، د هەمان ده‌مدا رێزێ ل به‌ركه‌فتێن وی یێن‌ سیاسی دگرن كو ژ پشكا پێکهاتا سووننییە.

محه‌مه‌د عه‌له‌وی، ژ پارتییا ته‌قه‌دووم ئاشكراكر، هه‌تا نوكه‌ چ جۆره‌ رێككه‌فتن ده‌رباره‌یی پۆستێ سه‌رۆكێ نوویێ په‌رله‌مانی نینن و گۆت” ئه‌و د رژدن ل سه‌ر پێشكێشكرنا كاندیدێ وان شه‌علان كه‌ریمی.