ئاژانسا خانی:
پەرلەمانتاره‌كێ فراکسیۆنا پارتی دیموكراتی كوردستان ل پەرلەمانێ عێراقێ دیاركر: ل ده‌مێن بهێت دێ پۆستێ سەرۆکێ پەرلەمانێ عیراقێ هێته ئێکلا كرن” هه‌ر چه‌نده هێشتا هه‌تا نوكه ئالیێن سوننی نه‌گه‌هشتینه چ رێككه‌فتنان بۆ ده‌ستنیشانكرنا سه‌رۆكه‌كێ نوو بۆ په‌رله‌مانی عیراقێ.
سیپان شێروانی، زێده‌تر بۆ ئاژانسا خانی گۆت: عەرەبێن سوننی بووینە چەند لایه‌نه‌ك و هه‌تا نوكه نەگەهشتینە رێککەفتنێ بۆ دیارکرنا بەربژاره‌كێ بۆ پۆستێ سه‌رۆكی په‌رله‌مانی، بەلێ ئه‌گه‌ر هه‌یه” ل رۆژێن بهێت دا کۆمبوونا پەرلەمانێ عیراقێ بۆ دیارکرنا بەربژارێ پۆستێ پەرلەمانی بهێته كرن و ئەو بابەتە ئێکلا ببیت.
ناڤهاتی گۆت ژی: هنده‌ك ئالییێن سوننی و ب تایبه‌ته ژی هه‌ڤپه‌یمانییا ته‌قه‌دووم” داخوازا ھەمواركرنا ھنده‌ك برگە و مادێن پەیرەوێ ناڤخۆیێ یێن پەرلەمانی دکەن، ئەگەر ئەو برگه بهێنه هه‌مواركرن چ بەربژارێن دی ناهێنه وەرگرتن بۆ پۆستێ سەرۆکێ پەرلەمانێ عێراقێ، هه‌روه‌سا نوكه نەبوونا سەرۆکێ پەرلەمانی کاریگەری ل سەر كارێ پەرلەمانی ھەیە و ئه‌م ھەموو ھەست ب وێ ڤالاهییێ دکەین، نوكه نه‌بوونا سەرۆکێ پەرلەمانی ڕاستەوخۆ کاریگەری ل سەر کارێن پەرلەمانی ھەیە و پێکھاتەكێ سەرەکییێ عێراقێ کو عەرەبێن سوننینه هاتینه بێ به‌هر کرن” دیسان نوكه لایه‌نێن شیعی دناڤا په‌رله‌مانی دا زۆرینه‌نه و چ كار بێی وان ل په‌رله‌مانێ عیراقێ دا ناهێته كرن.
