دادوەر ئەحمەد ئەنوەر، سەرۆکێ دەستەیا دەستپاکییا هەرێما کوردستانێ ڕاگەهاند، ئەو ستراتیژییا مە بۆ بەرهەنگاربوونا گەندەلییێ دای، دوهی ئێكەم ڕاپۆرت دەرچوو كو ب هاریكارییا هەمی دامودەزگەهێن فەرمی یێن هەرێما كوردستانێ ل سالا 2022 و 2023ێ مە كار ل سەر كری.
هەروەسا گۆت ژی، 62%ـێ ئەو ئارمانجا ستراتیژی یا هاتیە دیاركرن هاتە بجهئینان، ئەو ڕاپۆرتا دوهی دەرچووی ب ڕازیبوونا جڤاتا وەزیران بوو و ئەڤە ڕامانا هندێ دەت كو ئەم دویڤچوونێ بۆ بجهئینانا ستراتیژییێ دكەین.
سەرۆکێ دەستەیا دەستپاکییا هەرێمێ ڕاگەهاند ژی، بەری دوو سالا بڕیار هاتەدان دادگەهەكا تایبەت دژی گەندەلییێ ل هەولێرێ بهێتە دامەزراندن، بەلێ پاش بڕیار هاتە گهۆرین بۆ دابینكرنا دادگەهەكێ ل سەر چار دەستهەلاتێن تێهەلچوونێ ل هەرێما كوردستانێ “هەولێر و دهۆك و سلێمانی و گەرمیان”، یا باشتر ئەوە دادگەهەكا تایبەت بۆ كەیسێن گەندەلییێ هەبیت ژبەركو دڤێت كەیسێن گەندەلییێ زوی بهێنە ئێكلاكرن.
دادوەر ئەنوەر دیاركر، خالا گەلەك گرنگ ئەوە حكومەتێ چاڤدێرییەكا توند د هەلسەنگاندنا وەزارەتاندا هەبیت، هەروەسا پار نێزیكی 230 كەیسێن گەندەلییێ ڕەوانەیی دادگەهێ هاتنەكرن.
