بەرپرسێ نڤیسینگەها دهۆك یا كۆمسیۆنا بلند یا سەربەخۆ یا هەلبژارتنان ڕاگەهاند، هەتا ئەڤرۆ ڕۆژا پێنجشەمبی بتنێ سێ حزبان (پارتی، یەکگرتوو و هەڤپەیمانییا نشتیمانی ) سەرەدانا وان كریە، هەروەسا 15 بەربژارێن سەربەخۆ ژی فۆڕما خۆ بەربژاركرنێ وەرگرتییە كو ئێك ژوان ئافرەتە.
خالد عەباس، بەرپرسێ نڤیسینگەها دهۆك یا كۆمسیۆنا بلند یا سەربەخۆ یا هەلبژارتنان بۆ ئاژانسا خانی دیار ژی كر، ” ئەڤرۆ ووڕكشۆپەك بۆ حزبێن پشكدار و بەربژارێن تاك ل دور چەوانییا پڕكرنا فۆڕمێن خۆبەربژاركرنێ هاتییە ڤەكرن و پڕكرنا فۆڕمان ژی دێ ب ڕێیا ئەلكترۆنی بیت. ”
ل دویڤ زانیارییان، ل بازنەیێ دهۆکێ ژی هەروەكو هەولێر و سلێمانی و هەلەبچە، هیچ هەڤپەیمانییەك نەهاتییە تۆماركرن. ئەڤە ددەمەكی دایە ئەڤرۆ دوماهی ڕۆژا تۆماركرنا هەڤپەیمانییا یە.
