چه‌ند ئه‌گه‌ر یێن هه‌ین كو ده‌ست ب به‌لاڤكرنا مووچێ مه‌ها دوو ناهێنه كرن، حكومه‌تا هه‌رێمێ یا به‌رده‌وامه بۆ چاره‌كرنا ڤێ كێشێ و دیتنا چاره‌سه‌ریه‌كا ریشه‌یی.
چه‌ند رۆژه حكومه‌تا ئیراقێ ب تنێ 560 ملیار دینار بۆ هه‌رێما كوردستانێ هنارتینه، تانوكه ده‌ست ب به‌لاڤكرنا مووچه‌ی نه‌هاتیه كرن ژبه‌ر كو كورتئینانه‌كا زۆر هه‌یه و ئیراقێ مووچێ كه‌س و كارێن شه‌هیدان، هه‌ر سێ سه‌رۆكایه‌تیان و هێزێن ئێمناهیێ نه‌هنارتییه.
بریاره شانده‌كێ هه‌رێمی بچیته به‌غدا و ل گه‌ل وه‌زاره‌تا دارایی و دادگه‌ها فیدرالی كۆم ببیت بۆ دیتنا چاره‌سه‌ریه‌كا ریشه‌یی، سه‌رۆك وه‌زیرێن هه‌رێمێ و سوودانی ل سه‌ر خه‌تن بۆ چاره‌كرنا ڤێ كێشێ و هنارتنا 200 ملیارێن دی بۆ هه‌رێمێ.
ل سه‌ر داخوازا حكومه‌تا ئیراقێ لیسته‌یا مووچه‌خوران ب شێوازێ كاغه‌زی ژی بۆ وه‌زاره‌تا دارایی یا ئیراقێ هاتینه هنارتن.
هونه‌ر جه‌مال په‌یڤدارێ وه‌زاره‌تا دارایی دیاركر بزاڤ د به‌رده‌وامن بۆ وێ یه‌كێ ل نێزیكترین ده‌مدا ده‌ست ب به‌لاڤكرنا مووچێ مه‌ها دوو بهێته كرن.
