ژ ئهگهرێ ههڤركییا دناڤبهرا حکومەتا بەغدا و حکومەتا هەرێما کوردستانێ و زالبوونا پێکهاتەكێ دیارکری ل سەر گههێن حوکومرانییا عێراقێ، ههتا نوكه یاسایێ نەفت و گازێ نههاتییه پەسەند کرن.
ل سالا 2007 ێ رهشنڤیسێ یاسایێ نەفت و گازێ ل عێراقێ گهلهك دیبهیت ل سهر هاتنه كرن، بەلێ ژ ئهگهرێ ململانا دناڤبهرا حکومەتا بەغدا و حکومەتا هەرێما کوردستانێ و زالبوونا پێکهاتەكێ دیارکری ل سەر گههێن حوکومڕانییا عێراقێ، ههتا نوكه نههاتییه پەسەند کرن، تبلێن تۆمەتان ژی بۆ دادگهها فیدڕالی دهێنه ئاراستە کرن کو بوویە داردەستێ ئەوێ پێکهاتێ.
ئەشواق جاف، ئەنداما خولا پێشتر ل پەرلەمانێ عێراقێ گۆت: ئەو بڕیارا دادگهها فیدڕالی ل 15 ی شواتا 2022 ێ” ل سەر یاسایێ نەفت و گازا هەرێما کوردستانێ دەرکری و هەلوەشاندی، بڕیارهكا تەمام یا نه دەستووری بوویە.
نوری مالكی، سهرۆكێ ههڤپهیمانییا دهولهتا یاسایێ دهربارهیی پهیوهندیی و كێشێن ههولێر و بهغدا یا تایبهت ب نهفت و گازێ و مووچهیی راگههاند، ل سالا 2007 ێ” وان پڕۆژه یاسایێ نهفت و گازێ رهوانهیی پهرلهمانی كرییه، بهلێ ههتا نوكه مایه ل پهرلهمانی و نههاتییه پهسهند كرن.
