<h3></h3> <h3>ئاژانسا خانی:</h3> <h3></h3> <h3>ئەندامێ پەرلەمانێ عێراقێ ژ فراكسیۆنا پارتی دیموكراتی كوردستان دیار كر: بریارە ل چەند رۆژێن بهێت" یاسایێ پلەبەندی و خانەنشینییێ ل پەرلەمانێ عیراقێ بۆ حەشدا شەعبی بهێته دەرکرن و لدووڤ دا دێ چەکدارێن وێ حهشدێ هێنه خانەنشین كرن و ئەڤی بابەتی گهلهك ئاریشه تێدا ههنه، حهشدا شهعبی وەکو شێوازێ سوپایێ پاسدارێن ئیرانێیە، هەروەسا سیستەمێ وێ نیڤ سەربازییە.</h3> <h3>د. سەباح سوبحی" زێدهتر بۆ ئاژانسا خانی گۆت: ل سالا 2023 ێ" هژمارا چەکدارێن حەشدا شەعبی 95% ێ زێده بوویە، ژ 122 هزار کەسان بووینە نێزیكی 240 هزار کەسان،" چونکی دامەزراندن یا بەردەوامە و پلەبەندییا وەزیفی تێدا نینە و سازییهكا سەربەخۆیە و مووچهیهكێ زهبهلاح بۆ هاتییه دیاركرن" سالح فهیاز كونترۆلا حهشدا شهعبی دكهت و سهرۆكێ وێ دهستهیێ یه" د ههمان دهمدا شیعهیان 183 پهرلهمانتار ل پهرلهمانێ عێراقێ ههنه و دشێن ههموو یاسایان دهرباز بكهن و د نوكه دا وان ههموو سازییێن گرنگێن عێراقێ كونترۆل كرینه.</h3> <h3></h3> <h3>ناڤهاتی گۆت ژی: ئەو پارهیێ بۆ حەشدا شەعبی هاتییه تەرخان کرن، 3.7 ترلیۆن دینارن کو 3.4 یێ وی پارهیی بۆ مووچەیێ وانه و یێ دیتر ژی بۆ دابینكرنا پێدڤییێن وایه و ئهو هێزه سەر ب چارچوڤێ هەماهەنگییا شیعەیان ڤهیه" ههروهسا دروستبوونا حەشدا شەعبی هەر ژ دهستپێكێ سەر ب سازییا سەربازی ڤه نەبوویە، ههر چهنده شێوازهكێ نیڤ سەربازی وەرگرتییە، كو سەر ب وەزارەتا بەرگرییێ و فەرماندەییا گشتییا عیراقێ ڤه نینە، بەلکو سەر ب سەرۆکێ دەستەیا حەشدا شهعبی ڤهیه" ههروهسا نوكه عیراقێ 450 هزار سهرباز ههنه و یێن حهشدا شهعبی ژی هندی نیڤهكا سۆپایێ عێراقێ نه.</h3>
