ناتالیایێ به‌رهه‌مه‌كێ نوو ژ تێكست و ئاوازێن هونه‌رمه‌ند حه‌سه‌ن شه‌ریفی به‌لاڤكر

ئاژانسا خانی:

خانما سترانبێژ ناتالیایێ نووترین به‌رهه‌مێ خۆ ب ناڤێ ” كه‌ڤۆك” ب شێوێ ڤیدیۆ كلیپ به‌لاڤكر” كو ئه‌و به‌رهه‌مه‌ ژ تێكست و ئاوازێن هونه‌رمه‌ند حه‌سه‌ن شه‌ریفی نه‌.

ناتالیایێ بۆ ئاژانسا خانی دیار كر: ل ڤان رۆژێن بوری وێ ئه‌و به‌رهه‌مه‌ به‌لاڤكرییه‌ و رێناس میرانی كارێ وێنه‌گرتنێ بۆ وێ كلیپێ كرییه‌ و ل باژێرێ به‌رلینێ كارێ وێنه‌كرنێ بۆ وێ كلیپێ هاتییه‌ كرن و ناتالیایێ ئه‌و به‌رهه‌مه‌ ل یه‌تیۆبی خۆ به‌لاڤكرییه‌” هه‌روه‌سا وێ پشكداری د ئاهه‌نگێن نه‌ورۆزێ دا كرییه‌ و وێ لبه‌ره‌ چه‌ندین كارێن دیتر یێن هونه‌ری د ئه‌ڤ ساله‌ دا به‌لاڤ بكه‌ت” كو وێ هنده‌ك ژ وان كاران وێنه‌ كرینه‌” د هه‌مان ده‌مدا هه‌تا نوكه‌ ناتالیایێ چه‌ندین كلیپ و به‌رهه‌مێن هونه‌ری به‌لاڤكرینه‌.

ناڤهاتییێ گۆت ژی: ل ده‌ستپێكێ وێ كارێن خۆ یێن هونه‌ری ل وه‌لاتێ ئۆكرانیا ئه‌نجامداینه‌” پاشی ئه‌و چوویه‌ وه‌لاتێ ئه‌لمانیا ئه‌ڤه‌ 23 ساله‌ ئه‌و ل وی وه‌لاتی دژیت” وێ دڤێت ب رێیا هونه‌رێ خۆ خزمه‌تا هونه‌رێ كوردی بكه‌ت.