پەیڤدارا كومسیۆنا بلندا سەربەخۆیا هەلبژارتنێن عیراقێ دیاركر، ل سەر بنەمایێ ئەو نڤیسارێن نێچیرڤان بارزانی، سەرۆكێ هەرێما كوردستانێ ل 11-03-2024ـێ هاتینە ئاراستەكرن و تێدا سەرنج و تێبێنییان دیاردكەین، جڤاتا كۆمسیاران كۆمبوون و ب نڤیسارەكا فەرمی ژ لایێ سەرۆكی كومسیۆنێ بەرسڤا نڤێسینگەها سەرۆكێ هەرێما كوردستانێ هاتە دان.
جومانە غەلای، پەیڤدارا كومسیۆنا بلندا سەربەخۆیا هەلبژارتنێن عیراقێ ڕاگەهاند، نڤیسارێن سەرۆكێ هەرێما كوردستانێ چار تەوەر ب خۆ ڤە گرت بوون و تێدا داخواز كربوو كومسیۆنا بلندا سەربەخۆیا هەلبژارتنان بڕیار و ڕێكار ل دۆر ئەوان تەوەران بدەت و چارەسەر بكەت.
هەروەسا دیاركر، نەخواندنا پەنجەمۆرێ ئێك ژ تەوەرێن گرنگ بوو كو نێزیكی 20%ـێ ژ دەنگدەران پەنجەمۆرا وان نەخواندیە و ژمارەیا كورسییێن بازنەی یێن هەلبژارتنێن پارێزگەها هەلەبجە و ئەگەرێ زێدەبوونا كورسییان ب شێوەیەكی ل گەل ئاكنجیبوویان ب گونجیت.
هەروەسا ئێك ژ تەوەرێن دی، هاتبوو پێشنیاركرن كو هەمی پڕۆسەیێن هەلبژارتنان ل دەستەیا كومسیۆنێ و بتنێ ل هەرێما كوردستانێ بیت، چونكی ئەو هەلبژارتن پەیوەستە ب هەرێما كوردستانێ ڤە، و تەوەرەكێ دی ژی یێ گرێدایی بوو ب ڕاگەهاندنا ئەنجامێن هەلبژارتنان و بەراوردكرنا ئەنجامان.
