هه‌تا نوكه‌ چ حزبان ل دهۆكێ به‌ربژارێن خوه‌ بۆ هه‌لبژارتنێن په‌رله‌مانێ كوردستانێ پێشكێشى كۆمیسیۆنێ نه‌كرینه‌

ڕێڤه‌به‌رێ ئۆفیسا دهۆك یا كۆمیسیۆنا بلندا سه‌ره‌به‌خۆ یا هه‌لبژارتنان ڕاگه‌هاند، سوبه‌هى دووماهى ژڤانێ تۆماركرنا هه‌ڤپه‌یمانى و به‌ربژارایه‌ بۆ هه‌لبژارتنێن په‌رله‌مانێ كوردستانێ، هه‌تا نوكه‌ ژى حزبان به‌ربژارنێن خوه‌ پێشكێشى وان نه‌كرینه‌.
خالد عه‌باس ڕێڤه‌به‌رێ ئۆفیسا دهۆك یا كۆمیسیۆنا بلندا سه‌ره‌به‌خۆ یا هه‌لبژارتنان بۆ ئاژانسا خانى دیاركر، كۆمسیۆنا عیراقێ دووپاتى ل هندێ كرییه‌ كو ژڤانێ تۆماركرنا هه‌ڤپه‌یمانى و به‌ربژاران ناهێته‌ نووكرن، هه‌تا ڤى ده‌مى ژى چ پێشبینى بۆ نووكرنا وى ژڤانى نینن.
گوت ژى: ل دهۆكێ چ حزبان به‌ربژارێن خوه‌ پێشكێشى وان نه‌كرینه‌، ب تنێ 13 به‌ربژارێن سه‌ربه‌خۆ هاتینه‌ تۆماركرن، هه‌روه‌سا هه‌ڤپه‌یمانییا سه‌رده‌م كو ژ چار حزبان پێكدهێت ل دهۆكێ خوه‌ تۆماركرییه‌.