شاره‌زایه‌كێ ئابووری: هه‌ر ده‌مێ پەیوەندییێن عێراقێ و ئەمریکا د باش بن بهایێ دۆلاری دێ داكه‌ڤیت

ئاژانسا خانی:

بریکارێ به‌رێ یێ وەزارەتا داراییا عێراقێ دیار كر: هندی حكومه‌تا عێراقێ رێکاران بگریتەبەر” به‌لێ هه‌كه‌‌ یاریكرن ب بازاری و ب قه‌چاغبرنا دۆلاری یا بەردەوام بیت بهایێ دۆلاری بەرامبەر دینارێ عێراقی جهگیر نابیت.

د. فازل نەبی، ئه‌و شاره‌زایێ ئابووری و بریكارێ به‌رێ یێ وه‌زاره‌تا داراییا عێراقێ یه‌ زێده‌تر بۆ ئاژانسا خانی دیار كر: نوكه‌ داكه‌فتنا دۆلاری یا ده‌مكییه‌ و عێراقێ هنده‌ك رێکار گرتینه‌به‌ر، بەلێ ئەوێن قه‌چاغییێ و یارییان ب دۆلاری دکەن” رەنگە یارییه‌كێ تێدا بکەن و جاره‌كا دی بهایێ دۆلاری وەکو خۆ لێ بهێته‌ڤه‌، بەلێ هه‌كه‌ ڕێکارێن پێدڤی بگرنەبەر ره‌وشا ئابوورییا عێراقێ نوكه‌ یا باشە و یەدەكه‌كێ باش ژی هه‌یە، له‌وما دڤێت دینارێ عێراقێ پتر بلند ببیت.

ناڤهاتی گۆت ژی: “ئەو کەسێن یارییێ ب بازاڕی و بهایێ دراڤی دکەن” ئه‌م نه‌شێین پێشبینی بکەین كانێ دێ بهایێ دیناری چ لێ هێت؟، چونكی نوكه‌ بهایێ دراڤی د ده‌ستێ وان دایه”‌ ئه‌وێن یارییێ ب بازاری دکەن و قه‌چاغییێ ب دۆلاری دکەن، هندی ئه‌و كه‌سه‌ بمینن” دێ یا ب زه‌حمه‌ت بیت بهایێ دۆلاری جهگیر بیت و پێدڤییە حكومه‌ت وی کاری رابگریت” پاشی ڕێکاران بجهـ بینن و بهایێ دۆلاری ژی دێ جهگیر بیت” د نوكه‌ دا داكه‌فتنا بهایێ دۆلاری پەیوەندی ب سەره‌دانا شاندێ حکومەتا عێراقێ بۆ ئەمریکا نینە” له‌وما هه‌رده‌مێ پەیوەندییێن عێراقێ و ئەمریکا باش بن بهایێ دۆلاری دێ داكه‌ڤیت و هه‌كه‌ باش نەبیت دێ بلند بیت و دێ کاریگەری ل سەر بازاری هه‌بیت، هه‌روه‌‌سا حکومەت ژی نه‌شێت رێگرییێ ل ب قه‌چاغبرنا دۆلاری بگریت.