ئاژانسا خانی:
رێڤەبەرێ گشتییێ وەزارەتا ئاڤەدانکرنێ ل حکومەتا ھەرێما کوردستانێ دیار كر: پشتی كو پرۆسا ناڤ تۆمارکرنێ بۆ خەلكێ ھەژار و کێمده‌رامەت ب دووماهی هاته” نوكه د قووناغا ژێكجۆداكرنا ناڤان داینه بۆ هندێ لدووڤ خالان ئه‌و ناڤه د وەرگرتنا یەکەیێن ئاكنجیبوونێ دا د مفاداربن.
توانا بەشیر، گۆت ژی: نوكه ئه‌و مژوولی پرۆسا ژێكجۆداكرنا ناڤانه داكو بزانن ھەر ئێکێ چەند نمرە ھەنە و ژ كیژ پارێزگه‌هێ و ئیدارا سەربەخۆیە، هه‌ر ده‌مێ هاتنه ته‌مامكرن ل وی ده‌می دێ بۆ پارێزگه‌هـ و ئیدارێن سەربەخۆ هێنه ڕەوانە كرن، بۆ ئەوێن ناڤێن خۆ تۆمار کرین دێ هێنه دیاركرن ھەر ئێکێ چەند خال ھەنە بۆ هندێ بشێن یەکەیێن ئاكنجیبوونێ وه‌ربگرن.
ناڤهاتی گۆت ژی: نوكه چه‌ندین یەکەیێن ئاكنجیبوونێ لبەر دەستن، ژ بلی وان یه‌كه‌یان ژی دێ پرۆسا دروستکرنا یەکەیێن ئاكنجیبوونێ بۆ خەلكێ ھەژار و کێمده‌رامەت ژ لایێ حکومەتێ ڤه یا بەردەوامبیت، ئەو ژی دێ بۆ ئەوان کەسان بیت یێن كو ناڤێن خۆ تۆمار کرین.
