ل سالا 2007ـێ نەتەوەیێن ئێكگرتی ڕۆژا 2ـێ نیسانێ ب ڕۆژا جیهانییا هۆشیاریا ئۆتیزمێ دا دیاركرن، ل هەرێما كوردستانێ ژی د كابینەیا نەهێدا چەند بڕیار و پڕۆژە بۆ خزمەتكرنا تووشبوویێن ئۆتیزمێ هاتینە دان.
خالد جەمال، ئەندامێ كۆمەلا ئۆتیزمێ بۆ ئاژانسا خانی دیاركر، كو ئەڤرۆ ل دەمژمێر 7 مەغرەب ژ لایێ درێم ستی ڤە دێ چالاكییەك بۆ نەخۆشێن ئۆتیزمێ هێتە گێران.
هەروەسا دیاركر، زارۆكێ هەلگرێ نەخۆشیا ئۆتیزمێ پێدڤی ب سەنتەرێن ڕاهێنانێ و قوتابخانەیێن پەروەردەیا تایبەت و پیشەیی هەیە.
ل دویڤ ئامارێن كۆمەلا ئۆتیزمێ 4 هزار 260 زارۆكێن نەخۆشیێن ئۆتیزمێ ل هەرێما كوردستانێ هەنە، ل پارێزگەها دهۆكێ ژوان 850 تووشبوویێن ئۆتیزمێ هەنە كو 78% كۆرن و 22% كچن.
