عارف روشدی: سەرۆکێ حکومەتێ یێ خۆراگر بوو و جوامێرانە مایه‌ د وێ گۆرەپانێ دا

ئاژانسا خانی:

شیره‌تکارێ مەکتەبا سیاسییا پارتی دیموکراتی کوردستان راگەهاند، بابەتێ مووچەیی و بودجێ هەرێما کوردستانێ، بابه‌ته‌كێ ناڤخۆیی یێ عێراقێ بوو، ئەگەر هەر لایەنه‌كێ ململانێ ل گەل هەرێمێ بکه‌ت” نابیت بودجەیی و قویتێ خەلكی بکه‌تە ئارمانج”  چونکی هەر بۆ ناڤو‌ده‌نگێ وان خرابە.

عارف روشدی، زێده‌تر دیار كر: نوكه‌ جیهان بوویە گونده‌كێ بچووک، هەروەسا ئەو داخوازییێن مه‌ ل سەر بودجەیی و مووچەیی بۆ هەموو جیهانێ هاتینه‌ ئاشکرا کرن، له‌وما د جڤاكێ نێڤدەولەتیدا خاله‌كا گه‌له‌ك نەرێنی بوو بۆ حکومەتا عێراقێ” هه‌روه‌‌سا پێداگرییا سەرۆکێ حکومەتێ و تیما وی، ئەرکێن خۆ ب باشی بجهئینان و نەچوونە ژێر بارێ بڕیارێن وان یێن نه‌ رەوا، چونکی ئەوان دڤییا بابەتێ مووچەیی و بودجەیی بکەنە ڕێیەک بۆ دەست شکاندنا هەرێما کوردستانێ.

ناڤهاتی گۆت ژی: سەرۆکێ حکومەتێ یێ خۆڕاگر بوو و جوامێرانە مایه‌ د گۆڕەپانێ دا، هەروەسا ئەو هاریکارییا وەرگرتی هارکارییا مللەتی بوویە، پاشی هاریکارییا پارتی و لایەنێن نیشتیمان پەروەران بوون.